ກາຣປ່ຽນແປງຂອງ ດິນຟ້າອາກາສໃນລາວ

ກາຣປ່ຽນແປງ ທາງດິນ ຟ້າອາກາສ ຖືເປັນສິ່ງສຳຄັນ ໃນກາຣປະກອບ ສ່ວນເຂົ້າໃນກາຣ ສ້າງບັນຫາຕໍ່ ສະພາບແວດລ້ອມ ໃນສປປລາວ ດັ່ງເຈົ້າໜ້າທີ່ ຂອງອົງກາຣ ຊັພຍາກອນນ້ຳ ແລະສິ່ງແວດລ້ອມ ໄດ້ກ່າວກ່ຽວກັບ ເຣື່ອງນີ້ວ່າ:

“ສາເຫຕ ຂອງສິ່ງແວດລ້ອມ ຂອງກາຣປ່ຽນແປງ ດິນຟ້າອາກາສນີ້ ເປັນສາເຫຕຕົ້ນໆ ເປັນບັນຫາຫລັກເລີຽ ເປັນບັນຫາກາຣ ປ່ຽນແປງ ດິນຟ້າອາກາສ (ຫລື) Climate Change ນີ້ ມັນມີກະທົບ ໄປທຸກໆຢ່າງ ມີນ້ຳເນາະ ມີປ່າໄມ້ ມີກະສິກັມ ແລ້ວກໍມີ ສາທາຣະນະສຸຂ”.

ພ້ອມດຽວກັນນີ້ ທ່ານກໍວ່າ ຜົລກະທົບ ທີ່ເຫັນໄດ້ຢ່າງ ຄັກແນ່ ກໍແມ່ນເຫຕກາຣ ທີ່ມີພັຍນ້ຳຖ້ວມ ຢ່າງຮຸນແຮງໃນ ຣະຫວ່າງ 2-3 ປີທີ່ ຜ່ານມານີ້ ແລະກາຣທີ່ມີ ຣະດັບນ້ຳຂອງ ລົດລົງຢ່າງຜິດ ປົກກະຕິ ໃນປີນີ້ ກໍອາຈສືບເນື່ອງ ມາຈາກກາຣປ່ຽນແປງ ຂອງດິນຟ້າອາກາສ ເຊັ່ນກັນ ອັນເປັນເຫຕໃຫ້ ຊາວກິສິກອນ ບໍ່ສາມາດ ທີ່ຈະດຳເນີນ ກາຣເພາະປູກໄດ້ ພ້ອມກັບ ມີບັນຫາທີ່ ເຮັດໃຫ້ສັຕສາວະສິ່ງ ລົ້ມຕາຍໄປກໍມີ.

ໃນຂະນະດຽວກັນ ທ່ານກໍວ່າທາງ ກາຣກ່ຽວຂ້ອງກໍ ກຳລັງເກັບກຳ ຂໍ້ມູລ ພ້ອມກັບໄດ້ຮັບ ຄວາມຮ່ວມມືຈາກ ຕ່າງປະເທສ ມາຊ່ວຍອອກແນວ ແລະແບບແຜນຂອງ ກາຣປະຕິບັຕຕາມ ໂຄງກາຣ ແລະຍຸທສາຕ ໃນດ້ານກາຣ ແກ້ໄຂບັນຫາ ຂອງດິນຟ້າອາກາສ ເພື່ອບໍ່ໃຫ້ເກີດ ມີບັນຫາ ໃນຂັ້ນຕໍ່ໄປ.