ລົມພາຍຸ ໃຕ້ຝຸ່ນ "ເມຂລາ" ທີ່ພັດເຂົ້າ ຖລົ່ມ ເຂຕພາຄກາງ ວຽຕນາມ ໄດ້ສ້າງຄວາມເສັຽຫາຍ ຢ່າງຫລວງຫລາຍ ແລະ ເຮັດໃຫ້ ມີຜູ້ເສັຽຊີວີຕ ໄປຕື່ມ ບໍ່ຕໍ່າກວ່າ 9 ຄົນນັ້ນ ກໍໄດ້ ພັດເຂົ້າ ຖລົ່ມ ເຂຕພາຄເໜືອ ຂອງລາວເຊັ່ນກັນ ໃນຕອນແລງ ຂອງມື້ວັນອັງຄາຣນີ້ ໂດຽສະເພາະ ຢູ່ເມືອງຫ້ວຍຊາຍ ແຂວງບໍ່ແກ້ວ ທີ່ມີເຮືອນຫລາຍຫລັງ ຊື່ງມຸງດ້ວຍສັງກະສີ ແລະ ດິນກະເບື້ອງ ກໍຖືກລົມພັດ ເພພັງໄປ.
ໃນຂະນະດຽວກັນນັ້ນ ທາງແຫລ່ງຂ່າວທ້ອງ ຖີ່ນກໍແຈ້ງວ່າ: ຂະບວນຣົຖ ຂອງຄະນະສິລປະ-ວັນນະຄະດີຈາກ ແຂວງຢູນນານ ຂອງຈີນ ຈຳນວນ 50 ຄັນ ທີ່ເດີນທາງຜ່ານ ສປປລາວ ເພື່ອຂ້າມໄປ ແສດງ ທີ່ປະເທດໄທຽ ກໍບໍ່ສາມາດ ຂ້າມແມ່ນ້ຳຂອງ ໄປໄດ້ ຕາມກຳໜົດ ຍ້ອນລົມພາຍຸ ເມຂລາ ດັ່ງກ່າວ ກຳລັງພັດຜ່ານ ຊື່ງຢູ່ໃນຣະຫວ່າງ ເຮືອບັຄ ກຳລັງ ຈະຂ້າມນ້ຳຂ ອງໄປຍັງ ເມືອງຊຽງຂອງ ຈື່ງຕ້ອງໄດ້ ຣໍຖ້າເປັນກາຣຊັກຊ້າ ໄປຊົ່ວຣະຍະໜື່ງ.
ພ້ອມດຽວກັນນັ້ນ ທາງເຈົ້າໜ້າທີ່ ກ່ຽວຂ້ອງ ຝ່າຍໄທຽ ທີ່ທຳກາຣ ກະຕຣຽມ ຈັດເອ້ສະຖານທີ່ ເພື່ອກາຣຕ້ອນຮັບ ຄະນະສິລະປະ-ວັນນະຄະດີ ຈາກຈີນ ດັ່ງກ່າວ ກໍຕ້ອງ ໄດ້ເຣັ່ງຈັດແຈງ ສະຖານທີ່ ຄືນໃໝ່ ພາຍຫລັງ ທີ່ຖືກລົມພາຍຸ ພັດເພພັງ ໄປກ່ອນໜ້ານັ້ນ.