ຂ.ຈໍາປາສັກຕ້ອງການ ຢາສັກສໍາລັບສັດລ້ຽງ

ແຂວງຈໍາປາສັກ ຕ້ອງການຢາສັກ ຫລາຍຊນິດ ເພື່ອສັກໃຫ້ ຝຸງສັດລ້ຽງ ແລະສັດທີ່ ຊາວບ້ານລ້ຽງ ໃນຄອບຄົວ.
ສົມເນ
2010-09-03
ອີແມວລ໌
ຄໍາເຫັນ
Share
ພິມ

ແຂວງຈໍາປາສັກ ຕ້ອງການຢາສັກ ຫລາຍຊນິດ ເພື່ອສັກໃຫ້ ສັດລ້ຽງທີ່ເປັນ ພຍາດຕ່າງໆ ເປັນຕົ້ນ ພຍາດໄຂ້ເລືອດດໍາ ພຍາດປາກ ແລະຕີນເປື່ອຍ ເພາະວ່າ ລາວ ຍັງບໍ່ສາມາດ ຜລິດຢາສັກ ປ້ອງກັນເຊື້ອໂຮກ ໃຫ້ສັດໄດ້ເທື່ອ ດັ່ງເຈົ້າໜ້າທີ່ ຫ້ອງການ ກະສິກັມ ແລະປ່າໄມ້ ແຂວງຈໍາປາສັກ ໄດ້ກ່າວ:

"ມັນມີໂຣກໄຂ້ ຄໍບວມ ແລະພຍາດ ໄຂ້ເລືອດດໍາ ໂຣກປາກເປື່ອຍ ຍາມນີ້ມັນ ມັກເປັນຢູ່ ເຮົາຕ້ອງການຊື້ ແຕ່ພວກນີ້ ສ່ວນຫລາຍມັນ ບໍ່ມີຢູ່ເມືອງລາວ ມີແຕ່ວ່າ ພຍາດຄໍບວມຫັ້ນ ເຂົາຜລິດໄດ້ ກາຍນັ້ນ ຜລິດບໍ່ໄດ້".

ການລ້ຽງສັດ ໃນແຂວງ ຈໍາປາສັກ ໃນລະຍະ 2-3 ປີ ມານີ້ ຂະຫຍາຍໂຕຢ່າງ ກວ້າງຂວາງ ໂດຍສະເພາະ ລ້ຽງງົວ ໃນລັກສນະ ເປັນຝູງ ແລະລ້ຽງ ໃນລະດັບ ຄອບຄົວ ແຕ່ວ່າຍັງຂາດ ຢາສັກປ້ອງກັນ ເຊື້ອໂຣກ ຫລາຍຢ່າງ. ເມື່ອຕົ້ນເດືອນ ສິງຫາ ປີ 2010 ນີ້ ພຍາດເຕົ້າໂຮມເລືອດໄດ້ ແຜ່ລະບາດຂື້ນ ຢູ່ແຂວງ ຈໍາປາສັກ ເຮັດໃຫ້ງົວ ແລະ ຄວາມລົ້ມຕາຍ ຢ່າງຫລວງຫລາຍ ຍ້ອນຂາດ ຢາວັກຊີນ ປ້ອງກັນເຊື້ອໂຣກ. ນອກນັ້ນ ໂຣກນີ້ ຍັງເຮັດໃຫ້ ໂຣກອື່ນໆ ເກີດຂື້ນ ຢ່າງວ່ອງໄວ. ຜູ້ທີ່ລົງທືນ ລ້ຽງງົວລ້ຽງຄວາຍ ພາກັນຂາດທືນ ຈື່ງຢາກຮຽກຮ້ອງ ໃຫ້ທາງການ ນໍາເອົາຢາ ມາຂາຍໃຫ້ ຫລືແຈກຢາຍລ້າ ກໍຍິ່ງເປັນ ການດີ ໃນການສົ່ງເສີມ ຜູ້ລົງທືນ ລ້ຽງສັດ.

ເຕັມຫນ້າ