ການລັກລອບສິນຄ້າ ກະສິກັມ

ການລັກລອບສິນຄ້າ ກະສິກັມ ຈາກສາມແຂວງພາກໃຕ້ ຂອງລາວ ເພື່ອໄປຂາຍ ໃນປະເທດໄທ ມັກມີຫລາຍຂື້ນ ໃນຍາມລະດູ ເກັບກ່ຽວ.
ສົມເນ
2010-01-19
ອີແມວລ໌
ຄໍາເຫັນ
Share
ພິມ

ສິນຄ້າກະເສດຕະກັມ ຈາກສາມແຂວງພາກ ໃຕ້ຂອງລາວ ຄືແຂວງສວັນະເຂດ ສາຣະວັນ ແລະຈໍາປາສັກ ທີ່ມີຊາຍແດນຕິດກັບປະເທດໄທ ຍັງຖືກລັກລອກເຂົ້າໃນ ປະເທດໄທ ຢ່າງຕໍ່ເນື່ອງ ໂດຍສະເພາະ ໃນຍາມຣະດູເກັບກ່ຽວ ເຖິງແມ່ນວ່າ ເຈົາໜ້າທີ່ໄທ ຈັບໄດ້ຈໍານວນນື່ງ ກໍຕາມ ແຕ່ສ່ວນໃຫ່ຽແລ້ວ ຈັບບໍ່ໄດ້ ດັ່ງເຈົ້າໜ້າທີ່ໄທ ທີ່ຮັກສາຄວາມສງົບ ແລະ ຄວາມເປັນ ລະບຽບຮຽບຮ້ອຍ ຕາມລໍາແມ່ນໍ້າຂອງ ແຂວງອຸບົນຣາຊະທານີ ໄດ້ກ່າວ:

"ທ່ານວ່າ ມີທຸກປີ ເປັນຣະດູການ ຕອນນີ້ກໍແມ່ນເຂົ້າ ເຫັນເຂົາເຈົ້າ ຂົນມາຫລາຍຈັບ ໄດ້ສ່ວນນ້ອຍໆ ສ່ວນໃຫ່ຽຈັບບໍ່ໄດ້".

ທ່ານວ່າ ໃນລະຫ່ວາງເດືອນ ມົກກະຣາ ປີ 2010 ນີ້ ເຈົ້າໜ້າທີ່ໄທ ສາມາດຈັບສິນຄ້າ ທີ່ລັກລອບຈາກ ສາມແຂວງພາກໃຕ້ ຂອງລາວພຽງແຕ່ສອງ ຄັ້ງເທົ່ານັ້ນ ຄືຢືດເຂົ້າໄດ້ຈໍານວນ ນຶ່ງໂຕນ ແລະຖົ່ວດິນ 500kg ຊື່ງໃນຄວາມເປັນຈິງແລ້ວ ສິນຄ້າທີ່ລັກລອບ ເຂົ້າມານັ້ນມີ ປະຣິມານ ຫລາຍກວ່ານີ້. ເຈົ້າໜ້າທີ່ບໍ່ ສາມາດຄວບຄຸມໄດ້ ໝົດທຸກກໍຣະນີ ເນື່ອງຈາກວ່າເຂດ ຊາຍແດນ ທັມມະຊາດ ມັນຍືດຍາວ ນໍ້າຂອງຂັ້ນກໍ ຍ່າງຫາກັນໄດ້. ທ່ານວ່າ ການລັກລອບສິນຄ້າ ກະສິກັມ ເຂົ້າໄປຂາຍຂ້າມແດນ ແບບນີ້ແຕ່ລະປີ ເຮັດໃຫ້ຣັຖບານ
ທັງສອງຝ່າຍເສັຽລາຍໄດ້ ຈາກການເກັບພາສີ. ການລັກລອບສິນຄ້າ ກະສິກັມຈາກລາວ ເພື່ອນໍາໄປຂາຍ ໃນປະເທດໄທນັ້ນ ຍ້ອນວ່າຢູ່ຕລາດ ປະເທດໄທ ໄດ້ຣາຄາ ດີກ່ວາ. ພວກພໍ່ຄ້າ ທັງສອງຝັ່ງຂອງ ເຫັນແກ່ກໍາໄລຢ່າງດຽວ, ແຕ່ວ່າ ໃນຍາມເຂົ້າຂາດເຂີນ ຕລາດຢູ່ໃນແຂວງ ຂອງຕົນເອງແລ້ວ ປະຊາຊົນ ຕ້ອງໄດ້ຊື້ເຂົ້າຈາກໄທ ໃນຣາຄາແພງ.

ເຕັມຫນ້າ