ວຽດນາມຊ່ວຍເຫຼືອລາວ ໃນຣະບົບກວດບັນຊີ

ຄນະເຈົ້າໜ້າທີ່ ກວດກາບັນຊີ ແຫ່ງຣັຖ ຈາກປະເທດ ວຽດນາມ ນໍາພາໂດຍ ຫົວໜ້າຝ່າຍ ກວດກາ ບັນຊີ ແຫ່ງຣັຖ ທ່ານ Vuong Dinh Hue ໄດ້ມາຢ້ຽມຢາມ ສປປລາວ 6 ມື້ ຊຶ່ງເລີ້ມແຕ່ ມື້ວັນທີ 8 ມິຖຸນາ 2010 ເປັນຕົ້ນໄປ ເພື່ອສົ່ງເສີມ ຄວາມສັມພັນ ກັບອົງການ ກວດກາບັນຊີ ແຫ່ງຣັຖ ສປປລາວ.
ໂພໄຊສວັດ
2010-06-11
Share

ທ່ານ Hue ໄດ້ພົບພໍ້ກັບ ປະທານອົງການ ກວດກາບັນຊີ ແຫ່ງຣັຖ ສປປລາວ ທ່ານ ບົວສີ ລໍວັນໄຊ  ໃນມື້ວັນທີ 8 ມິຖຸນາ 2010 ໂດຍທັງສອງຝ່າຍໄດ້ ທົບທວນ ການຮ່ວມມືທີ່ ຜ່ານມາ.

ອົງການກວດກາ ບັນຊີແຫ່ງຣັຖ ສປປລາວ ເຫັນວ່າມີຄວາມ ຕ້ອງການທີ່ຈະ ໃຫ້ມີການ ຕົກລົງສັນຍາ ລະຫວ່າງຣັຖບານ ຂອງທັງສອງ ປະເທດ ທາງດ້ານເສຖກິດ ສິລປະວັທນະທັມ ວິທຍາສາດ ແລະເທັກໂນໂລຢີ ໃນການຮ່ວມມື ປີ 2011 ນີ້.

ພ້ອມດຽວກັນນີ້ ທັງສອງຝ່າຍຍັງ ໄດ້ປຶກສາຫາລືກັນ ເພື່ອສືບ ຕໍ່ການແລກປ່ຽນ ເຈົ້າໜ້າທີ່ຂັ້ນສູງ ໃນການເຈຣະຈາ ແລະ ຝ່າຍວຽດນາມ ຈະສົ່ງຜູ້ຊ່ຽວຊານ ມາຊ່ວຍ ຝຶກສອນ ພນັກງານພາກຣັຖ ລາວທາງດ້ານ ອົງການກວດກາ ບັນຊີ.

ນອກຈາກນີ້ທັງ ສອງຝ່າຍຍັງໄດ້ ວາງແຜນການ ທີ່ຈະຮ່ວມກັນ ກວດກາບັນຊີ ເພື່ອຊ່ວຍອົງການ ກວດກາບັນຊີ ແຫ່ງຣັຖ ສປປລາວ ໄດ້ສົ່ງເສີມເພີ້ມ ປະສິດທິພາບ ແລະສ້າງ ນະໂຍບາຍ ຂອງຕົນເອງ ໃຫ້ໄດ້ພາຍ ໃນປີ 2020.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.

ເຕັມຫນ້າ