ວຽດນາມ ສັມປະທານ ທີ່ດິນປູກຢາງພາລາ ຕື່ມອີກ

ບໍຣີສັດ ວຽດນາມ ໄດ້ຮັບ ສັມປະທານ ທີ່ດີນ ເພີ້ມອີກ ປະມານ 10 ພັນ ເຮັກຕາ ເພື່ອປູກ ຢາງພາລາ ສ່ວນໃຫຍ່ ຈະຢູ່ໃນ ບໍຣີເວນ ເມືອງໄຊເສດຖາ ແລະ ເມືອງພູວົງ.
ຊິດນີ ຣາຍງານ
2008-12-23
ອີແມວລ໌
ຄໍາເຫັນ
Share
ພິມ

ບໍຣີສັດ ວຽດນາມ ​ໄດ້​ຮັບ ​ສັມ​ປະທານ ທີ່​ດີ​ນ ສຳລັບ ​ປູກ​ຢາງພາລາ​ ​ໃນ​ແຂວງ ອັຕປື ​ເພີ້​ມອີກ ​ປະມານ 10 ພັນ​ເຮັກຕາ ​ແຕ່​ທາງ​ການ​ແຂວງ ​ບໍ່ໄດ້​ໃຫ້​ລາຍ​ລະອຽດ ​ວ່າ ວຽດນາມ ​ຈະ​ເສັຽຄ່າ ​ສັມ​ປະທານ ​ແລະ​ຄ່າ​ເຊົ່າ​ ເທົ່າ​ໃດ ​ໃນ​ເວລາ​ຈັກ​ປີ ​ແລະ ​ແມ່ນ​ດີ​ນ ຂອງຣັຖ ຫລື ​ຂອງ​ເອກ​ຊົນ ​ໃນ​ການ​ໃຫ້​ ສັມ​ປະທານ​ ແກ່​ວຽດນາມ​ຄັ້ງນີ້.

​ເຈົ້າຫນ້າ​ທີ່ ​ກ່ຽວຂ້ອງ ທ່ານ​ນື່ງ ​ເວົ້າວ່າ:

“ບໍຣີສັດ ລອງ​ແອນ ຢາ​ລານ ​ເຊັນ​ສັນຍາ ​ປູກ​ຢາງພາລາ 10,000 ​ເຮັກຕາ ​ໃນ​ເມື​ອງ​ໄຊ​ເສ​ຖາ ​ແລະ ​ເມືອງ​ພູ​ວຽງ ຕາມ​ກົດຫມາຍ ມັນ​ກໍ່​ຮອດ 50 ປີ ​ພຸ້ນ.”

ທ່ານ​ກ່າວ ​ເພີ້​ມອີກ​ວ່າ ບໍຣີສັດ​ ດັ່ງກ່າວ ຖື​ເປັນ​ ບໍຣີສັດ ອັນ​ທີ 3 ຈາກ​ວຽດນາມ ທີ່​ມາ​ ສັມ​ປະທານ​ ທີ່​ດີນ ປູກ​ຢາງພາລາ​ ໃນ​ລາວ. ກ່ອນ​ຫນ້າ​ນີ້ ກໍ່​ແມ່ນ ​ບໍຣີສັດ ​ກວາງ​ມີງ ​ແລະ ​ບໍຣີສັດ ​ນະຄອນ ​ໂຮ​ຈີ​ມີນ ​ເຂົ້າມາ ​ສັມ​ປະທານ ປູກ​ຢາງພາລາ ຮວມທັງ​ຫມົດ 40 ພັນ​ເຮັກຕາ ຊື່​ງ​ໃນ​ເວລາ​ນີ້ ​ແຂວງ​ອັຕປື ອະນຸມັດ​ ໃຫ້​ວຽດນາມ ປູກ​ຢາງພາລາ ​ໃນ​ພື້ນທີ່​ ທັງຫົມ​ດ​ແລ້​ວ ປະມານ 50 ພັນ​ເຮັກຕາ. ພື້ນ​ທີ່ ທີ່ມີ​ການ​ບຸກ​ເບີກ ​ໄປ​ແລ້ວ ມີ​ຢູ່​ປະມານ 10 ພັນ​ເຮັກຕາ ສ່ວນ​ເຫລື​ອ ຍັງ​ບໍ່​ທັນ​ ບຸກ​ເບີກ​ເທື່ອ ​ເປັນ​ຍ້ອນ​ບັນ​ຫາ ຂາດ​ແຮງ​ງານ ​ເຈົ້າຫນ້າ​ທີ່ ​ທ່ານ​ດຽວ​ກັນນັ້ນ​ ເວົ້າວ່າ:

“ບັນຫາ​ນີ້ ພວກ​ເຮົາ ​ກໍ່​ໄດ້​ສົນທະນາ ​ກັນ​ຢູ່ ​ເພາະວ່າ ສວນ​ຢາງ​ມັນ ​ກໍ່​ຕ້ອງການ​ແຮງ​ງານ ​ປະມານ 10 ພັນ​ຄົນ ບໍ່ພໍ ຕອ້ງ​ໄດ້ ​ນຳ​ເຂົ້າ​ ຈາກ​ແຂວງ​ອື່ນໆ ຈາກ​ວຽດນາມ​ແດ່ ຈາກ​ໄທ​ແດ່ ​ແລະ ​ພວກ​ເຮົາ ​ຕ້ອງ​ມີ​ການ​ຄຸມ​ຄອງ ​ທີ່​ແຂງ​ແຮງ ​ແລະ ​ທີ​ດີ ຈື່ງ​ຈະ​ຄວບ​ຄຸມ​ໄດ້.”

​ໃນຣະຍະ ​ຫລັງໆ​ມາ​ນີ້ ກຸ່ມ​ປົກ​ປ້ອງ​ ສະພາບ​ແວດ​ລ້ອມ ​ໃຫ້ການ​ວ່າ ການ​ປູກ​ຢາງພາລາ ​ໃນ​ລາວ ສົ່ງ​ຜົລກະທົບ​ຕໍ່ ສະພາບ​ດີ​ນ ​ແລະ ​ແມ່ນ້ຳລຳທານ ​ໃນ​ລາວ ​ຢ່າງ​ໃຫຍ່​ຫລວງ ​ເຮັດ​ໃຫ້ ​ສະພາບ​ດີ​ນ​ເຊື່ອມ​ເສັຽ ​ໃນຣະຍະ​ຍາວ ​ແຕ່ຣັຖບານ​ລາວ ຍັງ​ອະນຸຍາດ ​ໃຫ້​ມີ​ການ​ປູກ​ຢາງພາລາ​ຢູ່.


ເຕັມຫນ້າ