ຊາວມົ້ງທີ່ກັບຈາກໄທ ຂາດສິດເສຣີພາບ

ຊາວມົ້ງລາວ ທີ່ກັບຄືນ ສປປລາວ ຈາກສູນ ອົພຍົບ ທີ່ປະເທດໄທ ເວົ້າວ່າ ບໍ່ມີສິດ ເສຣິພາບ ໃນລາວ ຕາມທີ່ທາງການ ລາວ ໄດ້ສັນຍາໄວ້.
ສິດນີ
2011.03.07
F-hmong-kids ເດັກນ້ອຍຊາວມົ້ງລາວທີ່ບ້ານໂພນຄໍາເມືອງບໍຣິຄັນແຂວງບໍຣິຄໍາໄຊ ຊື່ງເປັນໝູ່ບ້ານຈັດສັນໃຫ້ຊາວມົ້ງລາວໂດຍທາງການລາວ
RFA

ກົດຟັງສຽງ

ຊາວມົ້ງລາວ ຜູ້ທີ່ບໍ່ ປະສົງອອກຊື່ ຄົນນຶ່ງເວົ້າວ່າ ຫລັງຈາກທີ່ຖຶກ ທາງການໄທ ສົ່ງກັບຄືນ ສປປລາວ ໃນປາຍປີ 2009 ຈົນເຖິງ ປັດຈຸບັນ ຍັງບໍ່ໄດ້ ເຮັດໄຮ່ເຮັດນາ ທຳການປູກຝັງ ເປັນຫລັກ ເປັນແຫລ່ງແບບ ຖາວອນເທື່ອ ເພາະໃນຫລາຍບ້ານ ຈັດສັນ ຍັງບໍ່ມີທີ່ດີນ ໃຫ້ຂະເຈົ້າ ສໍາລັບການ ປູກຝັງ ນອກຈາກນັ້ນ ເຈົ້າຫນ້າທີ່ ລາວ ປະຈໍາເຂດບ້ານ ກໍ່ມີການ ສອດແນມຢູ່ ຕຣອດ ບໍ່ມິສິດ ເສຣິພາບ ໃນການໂອ້ລົມ ແລະ ໄປມາຫາ ສູ່ກັນ ຕາມທີ່ທາງການລາວ ໄດ້ສັນຍາໄວ້ ກ່ອນຈະກັບມາຈາກ ໄທ ດັ່ງຊາວມົ້ງ ຜູ້ນີ້ເວົ້າວ່າ:

"ວັນອາທິດນຶ່ງ ເຂົາໃຫ້ໄປ ລາຍງານຕົວ ເທຶ່ອນື່ງ ເຂົາເວົ້າແນວ ນີ້ຫນາ ເຂົາບໍ່ໃຫ້ ເຮົາໄປໃສນະ ໄປໃສກໍ່ບໍ່ໄດ້ ໄປຢາມພີ່ນ້ອງ ບ້ານໃຕ້ ບ້ານເຫນືອ ກໍ່ຢາມບໍ່ໄດ້ ບັດນີ້ເຮົາກັບມາ ຈາກຂື້ນພູລົງພູ ເຂົາເຈົ້າກໍ່ຫ້າມ ເຮົາອອກໄປໄກ 5 ກິໂລແມດ".

ຊາຍຜູ້ນັ້ນ ກ່າວຕໍ່ໄປວ່າ ຫລັງຈາກຍ້າຍ ກັບມາລາວ ທີ່ດີນ ທີ່ທາງການລາວ ສັນຍາວ່າຈະຈັດໃຫ້ ຄອບຄົວລະ 1 ເຮັກຕານັ້ນ ບາງຄອບຄົວ ກໍ່ໄດ້ ແຕ່ຫລາຍຄອບຄົວ ບໍ່ໄດ້ ບໍ່ຮູ້ວ່າເປັນ ຍ້ອນຫຍັງ ພວກທີ່ ບໍ່ໄດ້ນັ້ນ ກໍ່ບໍ່ມີບ່ອນ ທຳມາຫາກີິນ ເພື່ອລ້ຽງຄອບຄົວ ເຊັ່ນການປູກເຂົ້າ ເປັນຕົ້ນ ສ່ວນການແຈກຍາຍເຂົ້າ ແລະ ອາຫານການກີນນັ້ນ ກໍ່ຍັງຂາດເຂີນຢູ່ ໃນແຕ່ລະມື້. ລາວວ່າ ການໃຊ້ຊີວິດ ໃນບ້ານຈັດສັນນັ້ນ ຍັງມີຄວາມ ຫວາດຣະແວງ ຫລາຍຢູ່ ເພາະເຈົ້າຫນ້າທີ່ ຕຳຣວດແລະ ທະຫານຖືປືນ ຢູ່ຕຣອດບໍ່ວ່າ ໃນເວລາກາງເວັນ ແລະກາງຄືນ ເຮັດໃຫ້ຂະເຈົ້າ ບໍ່ສະບາຍໃຈ ຢ້ານເກີດເຫດການ ແນວອຶ່ນຂື້ນອີກ.

ຊາວມົ້ງຄົນນັ້ນ ຍັງບອກອີກວ່າ ນັບຕັ້ງແຕ່ ກັບມາຢູ່ລາວ ກໍ່ບໍ່ແຕກຕ່າງ ຫຍັງກັບຢູ່ທີ່ສູນ ບ້ານຫ້ວຍນໍ້າຂາວ ທີ່ປະເທດໄທ ເພາະມີການ ເຝົ້າຣະວັງ ຢູ່ຕຣອດ ໄປໃສມາໃສ ກໍ່ບໍ່ໄດ້ ຍັງມີຄວາມອຶດຢາກ ຫລາຍຢູ່ ເພາະໄປຫາຊອກ ອາຫານການກີນ ຢູ່ຂ້າງນອກ ບໍ່ໄດ້ ມີເຈົ້າຫນ້າທີ່ ສອດແນມ ຕິດຕາມແລະ ເຝົ້າຣະວັງຢູ່ ຕຣອດ.

ອອກຄວາມເຫັນ

ອອກຄວາມ​ເຫັນຂອງ​ທ່ານ​ດ້ວຍ​ການ​ເຕີມ​ຂໍ້​ມູນ​ໃສ່​ໃນ​ຟອມຣ໌ຢູ່​ດ້ານ​ລຸ່ມ​ນີ້. ວາມ​ເຫັນ​ທັງໝົດ ຕ້ອງ​ໄດ້​ຖືກ ​ອະນຸມັດ ຈາກຜູ້ ກວດກາ ເພື່ອຄວາມ​ເໝາະສົມ​ ຈຶ່ງ​ນໍາ​ມາ​ອອກ​ໄດ້ ທັງ​ໃຫ້ສອດຄ່ອງ ກັບ ເງື່ອນໄຂ ການນຳໃຊ້ ຂອງ ​ວິທຍຸ​ເອ​ເຊັຍ​ເສຣີ. ຄວາມ​ເຫັນ​ທັງໝົດ ຈະ​ບໍ່ປາກົດອອກ ໃຫ້​ເຫັນ​ພ້ອມ​ບາດ​ໂລດ. ວິທຍຸ​ເອ​ເຊັຍ​ເສຣີ ບໍ່ມີສ່ວນຮູ້ເຫັນ ຫຼືຮັບຜິດຊອບ ​​ໃນ​​ຂໍ້​ມູນ​ເນື້ອ​ຄວາມ ທີ່ນໍາມາອອກ.