"Шәрқий түркистан уйғур алий кеңиши" һәққидә инкаслар
2010.11.23

RFA Photo / Erkin Tarim
Чәтәлләрдә яшаватқан уйғурлар д у қ рәиси рабийә қадир ханимниң тәшәббуси билән, 2011-йили 2-айниң 1-күнидин 6-күнигичә америкиниң пайтәхти вашингтонда "шәрқий түркистан уйғур алий кеңиши" намида йиғин чақиришни қарар қилған.
Бу йиғинға дуняниң һәрқайси җайлирида яшаватқан һәр саһәдики уйғурлардин вәкилләр қатнишидиған болуп, йиғинда уйғурларниң тәқдири билән мунасивәтлик муһим мәсилиләр музакирә қилинмақчи. Музакирә нәтиҗисидә уйғур давасиниң буниңдин кейинки истратегийилик пилани түзүп чиқилмақчи.
Түркийидики уйғур зиялийлиридин доктор алимҗан инайәт билән әркин әкрәм әпәндиләр мәзкур йиғинниң әһмийити вә роли һәққидә өз көз қарашлирини оттуриға қойди.