Uchur-axbaratning islam dini bilen baghlinishliq munasiwiti toghrisida mulahize

Biz bügün islam dinining uchur-axbarat bilen bolghan munasiwiti we uchur-axbaratning Uyghur musulmanlarning ijtima'iy jem'iyettiki roli we munasiwiti toghrisida toxtilip ötimiz.

Biz aldi bilen, islam dini uchur axbaratqa qandaq qaraydu? Uyghurlar uchur-axbarattin qandaq paydilinish kérek. Musulman axbaratchilar némilerge diqqet qilish kérek?. Bu heqte, jenubiy awstraliye islam jem'iyitining re'isi shundaqla awstraliye sherqiy türkistan jem'iyitining mu'awin re'isi abdusalam abdughéni ependining pikir qarashlirigha diqqet béreyli.

Abdusalam abdughéni ependi, uchur-axbaratning islam dini bilen zich munasiwetlik ikenlikini, musulmanlarning bu ikki uqumni ayrim-ayrim nerse dep qarashning xata ikenlikini, peyghember eleyhissalamning insanlarni islam dinigha chaqirishta éghiz arqiliq teshwiq qilish bilen élip barghanliqini shuning üchün uchur-axbaratning musulmanlar üchün muhim ikenlikini bildürdi.

Abdusalam abdughéni ependi, musulmanlar bilen gherb elliri otturisidiki uchur-axbaratning oxshashmasliq perqi toghrisida toxtaldi.

Abdusalam abdughéni ependi islam dinida uchurning ehmiyiti we uchurning toghra bolushini telep qilidighanliqini ipadilidi we musulman axbaratchilarning mes'uliyiti shundaqla teshkilatchiliq toghrisidimu uchur-axbaratning ehmiyitining muhim ikenlikini tekitlidi.