Türkiye xelqining térrorgha qarshi wetenperwerlik pa'aliyetliri muhajirettiki Uyghurlargha ilham berdi
2015.09.21

D u q ning yawropa parlaméntidiki wekili eniwerjan ependi yéqin tarix we künimizdiki igilik hoquq, kishilik hoquq küreshlirini nezerde tutup, herqandaq bir milletning öz heq-hoquqlirigha érishishning yégane yolining weten üchün tinimsiz küresh qilish ikenlikini tekitlidi.
Yéqinqi künlerdin béri, türkiye xelqining térrorgha qarshi turush sho'ari astida élip bériwatqan wetenperwerlik pa'aliyetliri muhajirettiki Uyghurlarning milliy rohining yüksilishige ilham bergen. D u q ning yawropa parlaméntidiki wekili eniwerjan ependi weten söygüsining türkiyediki her din, her millet kishilirini bir pikir astigha jem qilishidek körünüshlerdin hayajanlan'ghanliqini we Uyghur millitiningmu bu xil milliy rohtin ülge élishi zörürlükini tilgha aldi.
U dunya miqyasida élip bériliwatqan her türlük heq-hoquq küreshlirini eslep, bu küreshlerning mustemlike astidiki Uyghurlar üchün janliq ders ikenlikini eskertti. U yene, Uyghur ilida élip bériliwatqan küreshlerge yüksek baha bérip, Uyghurlarningmu bashqa milletlerdek hör, xatirjem yashishi üchün öz wetinige ige bolushining aldinqi shert ikenlikini we buning üchün küreshlirini dawamlashturushi zörürlükini ilgiri sürdi.