Qazaqistandiki Uyghur tiyatiri yéngi mewsümini “Anarxan” dramisi bilen bashlidi

Jalal asimof we abdulhey sadirof yazghan mezkur dramini “Qurmét” ordénining sahibi, talantliq rézhissor muhitjan hézimof sehnileshtürgen bolup, uni qoyushqa bolupmu yash artislar jelp qilin'ghan idi. Mewsümning échilish murasimida söz alghan mezkur tiyatir mudiri sawutjan sonurof Uyghur sen'itining ochiqi bolghan tiyatirning öz tamashibinliri üchün yaxshi teyyarlan'ghanliqini hem sen'etxumar tamashibinlirining buningdin kéyinmu köpiyidighanliqini ümid qilidighanliqini bildürdi.

Shuni alahide tekitlesh kérekki, Uyghur tiyatiri “Anarxan” dramisini qoyushta dayim tamashibinlirining könglidin chiqip kelgen hem bu dayim alahide tekitlinip kelgen idi. Bu qétimqi qoyulushqa, bolupmu yashlarning köprek kelgenlikini éytish kérek. Ene shu yashlar “Anarxan” klassik eserini qandaq qobul qildi hem bügünki zamanda uning ehmiyitini qandaq chüshinidu?

Radi'omiz ziyaritini qobul qilghan almata wilayiti talghir nahiyisining turghuni xalminem mesimowa bu heqte öz qarashlirini bildürdi.