3-Nöwetlik türk dunyasi edebiyat zhurnalliri yighini enqerede resmiy bashlandi

3-Nöwetlik türk dunyasi edebiyat zhurnalliri ilmiy muhakime yighini türkiyining enqere shehiride resmiy bashlandi. Bu yighinni yawro-asiya yazghuchilar birliki bilen xelq'ara türk medeniyetler birliki yeni "türksoy " idarisi birlikte chaqirghan bolup, yighin 12-ayning 14-künidin 16-künigiche enqerede dawamlishidu.
Ixtiyariy muxbirimiz erkin tarim
2010.12.15
Share on WhatsApp
Share on WhatsApp
turk-dunya-edebiyat-jornalliri-yighini-305 3-Nöwetlik türk dunyasi edebiyat zhurnalliri yighini 2010-yili 12-ayning 14-künidin 16-künigiche enqerede dawamlashti
RFA/Erkin Tarim

Yighin'gha ezerbeyjan, bulghariye, gollandiye, iran, qazaqistan, qirghizistan, özbékistan, ruminiye, türkmenistan we türkiye qatarliq 16 dölet we rayondin kelgen 33 edebiyat zhurnilining bash tehrirliri qatnashti.

Échilish murasimida türksoy idarisining mudiri düssen kasse'inow, yawro-asiya yazghuchilar jem'iyiti bashliqi yaqup déli'ömeroghlu we türkiye jumhur re'isining bash katipi proféssor doktor mustafa isen qatarliq kishiler söz qildi.

Mustafa isen qilghan sözide türk jumhuriyetliri we türkiy milletliri otturisidiki munasiwetlerni tereqqiy qildurushta edebiyatning rolining intayin muhim ikenliki heqqide toxtaldi.

Kéyin bu yighinni uyushturghan yawro-asiya yazghuchilar jem'iyiti bashliqi yaqup déli'ömeroghlu bu ilmiy muhakime yighinini chaqirishtiki meqsiti heqqide toxtilip mundaq dédi:
"Bu 3-nöwetlik türk dunyasi edebiyat zhurnalliri ilmiy muhakime yighinigha 16 dölet we rayondin kelgen 33 edebiyat zhurnilining bash tehrirliri qatnashmaqta. Bu yighinni chaqirishimizdiki meqset türk dunyasidiki edebiyat zhurnalliri otturisidiki hemkarliqni kücheytish heqqide muzakire élip bérish. Bügünki künde edebiyat zhurnalliri duchar boluwatqan mesililer we bu mesililerni hel qilishning yollirini tépish heqqide muzakire élip bérish we qarar maqullash. Herqaysi zhurnallar otturisida pikir almashturush."

U edebiyatning milliy alahidilikidin bashqa dunyawiylik alahidilikigimu ige ikenlikini éytip mundaq dédi:
"Edebiyat pütün sen'etlerge oxshash peqetla bir milletke xas bolupla qalmastin, dunyawiylikkimu ige bir sen'et sahesi. Edebiyat zhurnalliri her qaysi türkiy milletlerdin yazghuchilarning eserlirinimu élan qilish arqiliq, türk dunyasidiki yazghuchilarning bir ‏- birini chüshinishige shundaqla türkiy xelqlerning bir-birining turmushini chüshinishige töhpe qoshmaqta. 1-Nöwetlik qurultiyimizdin bügün'giche bolghan ariliqta bu jehette köp netijilerni qolgha keltürduq. Biz 2-nöwetlik qurultayda türk dunyasi edebiyat mukapati tesis qilghan iduq, bu qurultayda türk dunyasi edebiyat mukapati bérilidighan kishilerni bahalap chiqimiz."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.