Америка дөләт ишлар министири йеқинда орта асия җумһурийәтлиридә зиярәттә болиду

Мухбиримиз җүмә
2015-10-28
Share

Америка дөләт ишлар министирлиқиниң сәйшәнбә күни билдүрүшичә, америка дөләт ишлар министири җон кәрий йеқинда орта асиядики бәш җумһурийәттә зиярәттә болидикән.

Баянатчи җон кирбийниң ейтишичә, җон кәрий бу һәптә австрийәниң вийенна шәһиридә өткүзүлидиған сүрийә сөһбитини тамамлиғандин кейин, қирғизистан, өзбекистан, қазақистан, таҗикистан вә түркмәнистанда зиярәттә болуп 3-ноябир америкиға қайтидикән.

У, қирғизистанниң бишкәк шәһиридә америка әлчиханисидики йеңи хизмәт бинаси вә бишкәктики америка университети йеңи мәктәп қорусиниң ечилиш мурасимлириға қатнишидикән.

У йәнә өзбекистан пайтәхти ташкәнттә юқиридики бәш дөләтниң ташқи ишлар министирлири билән учрашқандин кейин қазақистанға баридикән.

У, қазақистанда америка -қазақ истратегийә диалогиға қатнишидикән, сәпириниң ахири ашхабад вә дүшәнбә шәрһлиридә болидикән һәмдә юқири дәриҗилик һөкүмәт әмәлдарлири билән көрүшдикән.

Бу, җон керийәниң дөләт ишлар министири болуп тәйинләнгәндин буян тунҗи қетим орта асия әллирини зиярәт қилиши.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт