Awstraliyede Uyghur longqisini talishish putbol musabiqisi ötküzüldi

Muxbirimiz ümidwar
2016-12-25
Share


Yéqinda awstraliyining mélborn shehiride awstraliyediki Uyghur yashlirining pulbol musabiqisi ötküzülgen bolup,"Uyghur longqisi" ni talishish dep nam bérilgen mezkur musabiqige awstraliyening adélayd, mélborn,sidnéy we bashqa sheherliride yashaydighan Uyghurlardin teshkillen'gen putbol komandiliri qatnashqan.

Féysboktiki uchurdin melum bolushiche, 25-dékabir küni hel qilghuch musabiqe bilen axirlashqan mezkur "Uyghur longqisi" musabiqisining ghalibliq orni sidnéy komandisigha mensup bolghan.

Mélborn we adélayd komandiliri ikkinchi we üchinchi orunni igiligen.

Melum bolushiche, awstraliyediki Uyghur muhajirliri arisida putbol herikiti uzundin buyan izchil janlinip kéliwatqan bolup, "Uyghur longqisi" ni talishish musabiqisi 2006-yilidin buyan dawamliship kelmekte.

Awstraliye gherb elliridiki Uyghurlar bir qeder köp olturaqlashqan memliket bolup, Uyghur jama'iti asasliqi adélayd, mélborn, sidnéy sheheherlirige merkezleshken. Adélay qatarliq sheherlerde mexsus Uyghur tili, örp-adetliri we medeniyitini öginish kursliri hem bashqa medeniy we ammiwi pa'aliyetler teshkil qilinip kélinmekte.

Awstraliyediki Uyghur jama'iti medeniyet we tenheriket pa'aliyetliridin bashqa yene her yili Uyghur hazirqi zaman siyasiy hayatida yüzbergen weqeler munasiwiti bilen xatirilesh murasimliri we xitay konsulxaniliri aldida naraziliq namayish pa'aliyetlirini teshkillep kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet