B d t süriye hökümitining tutqunlarni sistémiliq “Yoq qiliwatqanliqi”ni ilgiri sürdi

B d t düshenbe küni kishilik hoquq tekshürüsh doklati élan qilip, süriye hökümitining minglighan tutqunni “Yoq qiliwatqanliqi” ni we buni dölet siyasiti süpitide yürgüzüwatqanliqini ilgiri sürdi.

Mezkur doklat b d t kishilik hoquq kéngishining bir tekshürüsh guruppisi teripidin teyyarlan'ghan. Doklatta, esed hökümiti insanliqqa qarshi turush jinayiti sadir qilish bilen eyiblen'gen.

Doklatta yene, esed hökümet terepdarlirining we uninggha qarshi qoralliq öktichilerning oxshashla urush jinayiti sadir qilghan bolushi mumkinliki ilgiri sürülgen. Doklatta qeyt qilishiche, nurghun tutqun ten jazasigha uchrighan. Bezi tutqunlar tayaq zerbiside, beziler achliq, susizliqtin yaki dawalashqa érishelmey ölgen.

Mezkur doklat süriyede 2011‏-yili 3‏-ayda es'ed hökümitige qarshi isyan bashlinip bügünki qeder ziyankeshlikke uchrighan nechche yüz guwahchini ziyaret qilish arqiliq teyyarlan'ghan.

Doklatta, tutqunlarning ehwali “Kishilik hoquqni qoghdashtiki jiddiy hem zor kölemlik krizis” dep teriplinip, “Hayat qalghanlar teminligen deliller yüz bergen zorawanliqning qanchilik dehshetlik ikenlikini süretlep béridu” déyilgen.

B b s ning ilgiri sürüshiche, süriye urushida hazirgha qeder 250 ming adem ölgen, 4 milyondin artuq adem chet'elge musapir bolup chiqip ketken,13 milyondin artuq adem insani yardemge mohtaj ehwalgha chüshüp qalghan.