Amérikaning jenwediki bash elchisi mishél bachélétni Uyghurlar heqqidiki doklatini élan qilishqa chaqirdi

Muxbirimiz erkin
2022.08.26
Share on WhatsApp
Share on WhatsApp

Amérikaning b d t kishilik hoquq kéngishide turushluq bash elchisi mishél teylor, b d t kishilik hoquq aliy komissari mishél bachélétning öz wediside turup, wezipisidin ayrilishtin ilgiri Uyghurlar heqqidiki doklatini élan qilishqa chaqirghan.

Mishél teylor twittérda yollighan chaqiriqida mundaq digen: “Men mishél bachélétni uning ashkara we xususiy rewishte, jümlidin shexsen mangimu bergen wedisige toluq emel qilip, wezipe ötesh mudditi toshushtin burun shinjang toghrisidiki doklatni élan qilishqa chaqirimen.” u yene mundaq dégen: “Dunyaning shinjangdiki kishilik hoquq weziyitining musteqil we raschil shekilde eks-ettürülishini bilish heqqi bar.”

Mishél teylorning chaqiriqi b d t kishilik hoquq aliy komissari mishél bachélétning 25-awghust jenwede ötküzgen axbarat yighinida, b d t ning Uyghurlar heqqidiki doklatini “Élan qilishqa tirishiwatqanliqi” ni éytqandin kéyin élan qilin'ghan. Uning sözi kishilik hoquq teshkilatlirida bachélétning mezkur doklatni élan qilishta “Xitayning qattiq bésimigha uchrawatqanliq tesirati” ni peyda qilghan. Yighinda bachélét Uyghurlarni tilgha almighan, emma muxbirlarning mezkur doklat heqqidiki su'aligha jawap bergenda yuqiriqi ipadilerde bolghan.

Amérika “Simliq xewerler tori” (CNN) ning éytishiche, mishél bachélét muxbirlargha yene özining bu doklatni “Élan qilmasliq bésimigha uchrap kéliwatqanliqi” ni bildürüp: “Lékin men herqandaq doklatni bésim astida élan qilmaymen yaki yoshurmaymen” dégen.

Buningdin bir qanche hepte awwal chet el taratquliri xitayning b d t kishilik hoquq aliy komissarigha doklatni élan qilmasliq toghrisida bésim ishlitiwatqanliqi, buning üchün xitayni qollaydighan döletlerni ishqa séliwatqanliqini xewer qilghan idi. “Shinjang géziti” ning xewiridin melum bolushiche, b d t ning “Shinjang doklati” ni élan qilish-qilmasliq halqiliq bir peytte turghan bir waqitta, xitay ürümchide zémbabuwi, sirali'on, kaméron, éritériye, somali, lissato, kotédiwa, gambiye iraq, la'us qatarliq ellerni asas qilghan 10 dek döletning jenwede turushluq diplomatlirini kütiwalghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.