Хитай һөкүмити уйғур елида бир йерим милйондин артуқ мәктәп балисини “бәхт тамиқи” билән беқиватқанлиқини илгири сүргән

Мухбиримиз әркин
2020-10-27
Share

Хитай даирилириниң 2012-йилдин башлап йолға қойған йезилардики мәктәп балилирини һәқсиз тамақ билән тәминләш программиси кеңийип, нөвәттә 1 милйон 540 миң бала бу хил аталмиш “бәхт тамиқи” билән тәминләнмәктә икән.

“шинҗаң гезити” ниң хәвәр қилишичә, нөвәттә бу программа уйғур елиниң намрат районлиридики пүтүн мәктәпләрдә йолға қоюлған болуп, пәйзиват наһийәсиниң җанбаз йезилиқ 1-башланғуч мәктипиниң өзидинла 1700 нәпәр оқуғучи бу хил тамақ билән озуқлинидикән.

Хитай һөкүмити аталмиш “бәхтлик тамақ” программисиниң намрат оқуғучиларниң озуқлуқ мәсилисини һәл қилғанлиқини илгири сүрсиму, лекин 2012-йили башлинип бара-бара оқуғучиларниң мәктәп ашханисида озуқлиниши мәҗбурийәткә айланған бу программиниң мәқсити, чәт әлләрдики уйғур тәшкилатлирида соал пәйда қилип кәлди. Уларниң қаришичә, хитай даирилириниң бу программини йолға қоюштидики мәқсити бир тәрәптин ата-аниси хитай карханилирида мәҗбурий ишләватқан уйғур балилириниң тамақсиз қелиш әһвалини һәл қилиш, йәнә бир тәрәптин уйғур балилирини аилә муһитидин йирақлаштуруп, ассимилатсийә қилишни техиму тезлитидикән.

“шинҗаң гезити” ниң хәвиридә тәктилишичә, хитай һөкүмити йеқинқи 5 йилдин бери “бәхтлик тамақ” программисиға һәр йили бир милярд юән аҗритип кәлгән болуп, нөвәттә бир милйон 540 миң бала бу хил аталмиш “бәхтлик тамақ” программисидин бәһирләнмәктә икән. Лекин бу бир милйон 540 миң балиниң ата-аниси лагерларға елип кетилгән балилар лагерлиридики өсмүрләрни өз ичигә алидиған яки алмайдиғанлиқи мәлум әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт