Chén chüen'go: "Shinjang milletler xizmitining nishani jungxu'a milliti ortaq éngini shekillendürüsh" dégen

Muxbirimiz erkin
2021-11-08
Share

Uyghur aptonom rayonluq partkomning sékrétari chén chüen'go 6-noyabir ötküzülgen aptonom rayonluq partkomning milletler xizmiti yighinida, xitayning Uyghur élidiki milletler xizmitining nöwettiki nishani toghrisida yolyoruq bergen. Uning éytishiche, "Shinjang milletler xizmitining nishani jungxu'a milliti ortaq éngini shekillendürüsh" iken. Közetküchilerning éytishiche, chén chüen'goning sözi xitayning 2017-yili bashlan'ghan chong tutquni bilen bir waqitta, uning milletler siyasitidiki mejburiy assimilyatsiyeni nishan qilghan chong özgirishni ipadileydiken.

Chén chüen'go shi jinpingning merkezning milletler xizmiti yighinida partiyening milletler xizmiti duch kelgen "Yéngi weziyetni chongqur analiz qilip", milletler xizmitini kücheytish we ‍özgertishning "Muhim idiyesini sherhligenlikini", milletler xizmitide "Qandaq bayraq kötürüsh", "Qandaq yolda méngish qatarliq zor mesililerge jawab bergenliki" ni bildürgen. Chén chüen'go bu sözlerni kishilik hoquq teshkilatliri we bezi chet'ellik mutexessisler shi jinpingni Uyghur "Irqiy qirghinchiliqi" ning bash jawabkari, chén chüen'go bolsa uning bash ijrachisi, dep eyiblewatqan bir waqitta qilghan.

Xitayning milletler siyasitidiki tarixi burulushi nuqtisi 2014-yili bashlan'ghan. Bu yil 8-ötküzülgen milletler xizmet yighinida, uning Uyghurlargha qaritilghan qirghinchiliq siyasiti mu'eyyenleshtürülgenidi. "Shinjang géziti" ning xewer qilishiche, yighinda chén chüen'go shi jinpingni "Yéngi dewrdiki partiye milletler xizmitining yuqiri süpetlik tereqqiyatini ilgiri sürüshtiki yétekchi idiye, istratégiyelik nishan, muhim wezipe, siyaset we tedbirlerni aydinglashturup, jungxu'a milliti ortaq éngini shekillendürüshning asasliq liniyesini otturigha qoydi" dégen.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet