G7 Yighinida xitay we rosiye muhim téma bolmaqchi

Muxbirimiz eziz
2023.05.17

Roytérs agéntliqining 17-maydiki xewiride éytilishiche, yaponiyening xiroshima (Hiroshima) shehride chaqirilish aldida turghan “Sana'etleshken yette dölet bashliqliri yighini” (G7) da xitay we rusiye muhim muzakire témisi bolidiken. Chünki démokratiye we tereqqiyat sahesidiki bayraqdar orunni teshkil qildighan bu yette dölet duch kéliwatqan ortaq tehdit ashu ikki dölettin kéliwatqanliqi melum.

Xewerde éytilishiche, xitayning dunyawi teminlesh zenjiri, iqtisadiy bixeterlik qatarliq sahelerde peyda qiliwatqan xirisliri nöwette ularning hemmisige ortaq bash aghriqi peyda qilmaqta iken. Shunga amérika, yaponiye, gérmaniye, en'gliye, fransiye, kanada we italiyedin teshkil tapqan “Yette dölet guruhi” özlirining xitay bilen bolidighan iqtisadiy baghlinishi hemde buning kelgüsi heqqide bu qétim tepsili muhakime qilishi mumkin iken.

Bolupmu fransiye prézidénti émmanyul makron (Emmanuel Macron) aprél éyidiki xitay ziyaritidin kéyin yawropa ittipaqini “Amérika bilen bolghan béqindiliq munasiwitge chek qoyush” qa dewet qilghandin buyan, xitay mesilisi heqqide oxshimighan pkirler otturigha chiqishqa bashlighan. Washin'gton shehridiki brukings (Brookings) inistitutining tetqiqatchisi miréya solis (Mireya Solis)  bu heqte söz qilip: “Bu yaponiye üchün bir chong istratégiye, bolupmu ularning xewpsizlik we awatliq yoli üchün nishan körsetküch” dégen.

Melum bolushiche, bu qétimqi “Yette dölet bashliqliri yighini” xitay hökümiti sahibxanliqida shi'en shehride ötküzmekchi boluwatqan ottura asiya jumhuriyetliri bilen xitay hökümiti otturisidiki ikki künlük yighin bilen oxshap kétidighan waqitqa toghra kélidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.