Gérmaniye bash ministiri mérkél béyjingda kishilik hoquq pa'aliyetchiliri we öktichiliri bilen körüshti

Muxbirimiz erkin
2015-10-30
Share

Gérmaniye bash ministiri an'géla mérkél peyshenbe küni béyjingda 9 neper junggoluq kishilik hoquq pa'aliyetchisi we öktichisini qobul qilghan. Ehwaldin xewerdar gérmaniye emeldarlirining ashkarilishiche, körüshüsh peyshenbe küni kechte gérmaniyening béyjingda turushluq elchixanisida élip bérilghan.

Yuqiriqi emeldar amérika “Blumbérg xewerler” agéntliqigha bergen uchurida, mérkélning 9 neper kishilik hoquq adwokati, yazghuchi, mikro blogchi bilen uchrashqanliqini, ularning mérkélgha “Xitay re'isi shi jinping hakimiyetke olturghan 2012‏-yildin buyan, junggo kishilik hoquq weziyiti nacharliship ketti” dégenlikini ashkarilighan.

Gérmaniye bash ministirining 29‏-öktebir bashlan'ghan ikki künlük xitay ziyariti soda-iqtisadni asasi nuqta qilghan bolsimu, biraq uning ziyaritining 1-küni kishilik hoquq pa'aliyetchilirini qobul qilishi diqqet qozghidi.

“Blumbérg xewerliri” mérkélning bu herikiti en'gliye bash ministiri deywid kaméron bilen zor sélishturma bolup qalghanliqini ilgiri sürgen. Mérkél kishilik hoquq pa'aliyetchilirini qobul qilghan shu küni xitay re'isi shi jinping bilen körüshken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet