Һүсәйин җелилниң аяли канада һөкүмитини ериниң қоюп берилиши үчүн һәрикәт қилишқа чақирди

Мухбиримиз әркин
2016-02-08
Share

Үрүмчи 1‏-түрмидики канада пуқраси, сиясий мәһбус һүсәйин җелилниң аяли камилә тиләндибайева канада һөкүмитини ериниң қоюп берилиши үчүн һәрикәткә өтүшкә чақирған. Канада "юлтуз гезити"ниң хәвәр қилишичә, камилә, һүсәйин җелилниң қамақ җазаси қисқартилғанлиқидин хурсән болғанлиқини билдүрүп, әмма бу қанаәтлинәрлик әмәс, дегән.

Хитай һөкүмити йеқинда һүсәйин җелилниң муддәтсиз қамақ җазасини 20 йилға қисқартқан. Һүсәйин җелил 2006‏-йили өзбекистанда қолға елинип, хитайға өткүзүп берилгән. Хитай һөкүмити 2007‏-йили уни "террорлуқ" билән әйибләп муддәтсиз қамақ җазасиға һөкүм қилған иди.

Камилә теләндибайева "юлтуз"гезитигә қилған сөзидә мундақ дегән: "мән у хәвәрдин хурсән болдум. Әмди канада һөкүмити техиму көп күч чиқириши керәк, дәп қараймән.... Тредо әпәнди )канада баш министири( бир иш қилиши керәк. Канада һөкүмитидин техиму көп күч чиқиришини күтимән."

Хитай һөкүмити йеқинда һүсәйин җелилни ахбарат васитилиригә чиқарған. У ахбарат васитилиридә өзиниң һәрикитидин кәчүрүм сорайдиғанлиқини билдүргән иди. Камилә тиләндибайева: "еһтимал...... Улар уни кәчүрүм сорашқа мәҗбурлиған болуши мумкин. Мән уни чүшинимән, у түрмидә йетиватқанға, болупму хитай түрмисидә йетиватқанға 10 йил болди. Адәмниң ишәнгүси кәлмәйду" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт