Ichki mongghulda mongghul charwichiliri bilen xitay köchmenliri ottursida yer taliship toqunush yüz berdi

Radi'omiz xitay bölimi igiligen uchurlardin melum bolishiche,ötken hepte ichki mongghulning jiyawféng shehrige qarashliq bayanchorgha kentide mongghul charwichiliri bilen xitay köchmenliri ottursida toqunush yüz bergen.

Yer talishish sewebidin kélip chiqqan jidelde yerlik mongghullardin yette kishi ularning yérini ijarige élip tériwatqan 100 din artuq xitay köchmen teripidin urup yarilandurulghan.

Radi'omiz ziyaritini qobul qilghan mongghul charwichilarning bildürüshiche, bu qétimqi jidel yerlik mongghul charwichilarning yérini 10 yilliq toxtam bilen ijarige élip térighan xitaylarning ijare waqti tolghandin kéyinmu yerni qayturup bérishke unimighanliqi sewebidin yüz bergen. Radi'omiz ziyaritini qobul qilghan yerlik saqchixana xadimliri mongghul charwichilarni urup yarilandurghan xitaylarning tutup turuliwatqanliqini bildürgen bolsimu, emma ulargha qandaq chare körilidighanliqi heqqide jawap bérishni ret qildi.

Yéqinqi yillarda ichki mongghulda yerlik mongghullar bilen xitay köchmenliri arisidiki toqunush barghanche köpeygen bolup,2011 - yili 10 - may küni yaylaqni qoghdashni teshebbus qilghan morgin isimlik charwichi shu jaydiki xitayning kömür kan shirkitining shopuri teripidin aptomobilgha qesten basturuwétilishi sewebidin mongghullarning zor kölemlik naraziliq namayishi yüz bergen idi.