Илһам тохтиниң адвокатлиқини қилған ли фаңпиң туюқсиз тутқун қилинди

Мухбиримиз меһрибан
2016-03-01
Share


Твитир қатарлиқ иҗтимаий алақә торлири вә чәтәлләрдики сәнйү ториниң 1 - март хәвәр қилишичә, 10 нәччә йилдин буян хитайдики кишилик һоқуқ паалийәтчилириниң адвокатлиқини қилип кәлгән ли фаңпиң 1 - март бейҗиң хәйдийән районлуқ сақчиханиниң сақчири тәрипидин хәйдийән районидики җуңшиң бинасида туюқсиз тутқун қилинған.

Сәнйү торидики хәвәрдә дейилишичә, 10 нәччә йилдин буян хитайдики кишилик һоқуқ актиплириниң адвокатлиқини қилип келиватқан ли фаңпиң, бултур июлда йүз бәргән адвокатларни тутуш һәрикитидә тутқунда сорақ қилинип қоюп берилгәндин кейин үзлүксиз сақчиларниң көзитиш нишани болуп кәлгән.

Хәвәрдә йәнә, ли фаңпиңниң туюқсиз тутқун қилинишиға униң 26 - феврал бейҗиң чаңпиң сот бинаси алдида етип өлтүрүлгән аял сотчи ма сәййүн һәққидә һөкүмәт даирилири бәргән ма сәййүн мәдһийиләнгән хәвәргә инкас қайтуруп, һөкүмәтниң ма сәййүнниң етип өлтүрүлүш вәқәсиниң әсли маһийитини авамға ашкарилиши керәклики һәққидә иҗтимаий таратқуларда елан қилған инкаси сәвәб болған болуши мумкинлики тилға елинған.

Адвокат ли фаңпиң 2014 - йили 23 - сентәбир хитай һөкүмити тәрипидин муддәтсиз қамаққа һөкүм қилинған уйғур зиялийси илһам тохтиниң тәлипигә асасән униң адвокатлиқини үстигә алған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт