Америка б д т да хитайни уйғурларға “ирқий қирғинчилиқ” қилиш билән әйиблиди

Мухбиримиз әркин
2021-03-12
Share

Америкиниң б д т да турушлуқ вәкили марк касайре 12-март б д т кишилик һоқуқ кеңишиниң йиғинида хитайни етник вә диний аз санлиқ милләтләрни хорлаш, җүмлидин шинҗаңдики уйғурларға қарита “инсанийәткә қарши җинайәт” вә “ирқий қирғинчилиқ” садир қилиш билән әйиблигән шуниңдәк йәнә хитайниң тибәтләргиму қаттиқ чәклимә қойғанлиқини тәнқидлигән. Бу америка вәкилиниң тунҗи қетим хитайни б д т да уйғурларға “ирқий қирғинчилиқ” қилиш билән әйиблишидур.

Ройтерс агентлиқиниң хәвәр қилишичә, марк касайре мундақ дегән: “биз хитайниң шинҗаңдики етник вә диний аз санлиқ милләтләргә қарита елип барған инсанийәткә қарши туруш җинайити вә ирқий қирғинчилиқни өз ичигә алған хорлашлирини, шуниңдәк тибәттики қаттиқ чәклимилирини әйибләймиз”. Йиғинда йәнә әнглийә вәкили җулиян бирсвейтму шинҗаңда йүз бериватқан кәң көләмлик вә системилиқ кишилик һоқуқ дәпсәндичиликлиридин әндишә қиливатқанлиқини билдүргән.

У: “биз шинҗаңдики кәң көләмлик вә системилиқ кишилик һоқуқ дәпсәндичиликлиридин, җүмлидин мәҗбурий әмгәк вә мәҗбурий туғут контролиға даир ишәнчлик доклатлардин қаттиқ әндишә қиливатимиз” дегән. Ройтерсниң ейтишичә, хитайниң җәнвәдә турушлуқ әлчиси чен шу кишилик һоқуқни сиясийлаштурушқа қарши туридиғанлиқини билдүргән, бирақ у шинҗаңни тилға алмиған.

Буниң алдида хитай өзини “қәшқәрлик деһқан” дәп тонуштурған рәнагүл худабәрди исимлик бир яш уйғур аялни б д т йиғинида сөзләткән. Бу аял өзиниң 3 пәрзәнти барлиқи, “дөләтниң сүпәтлик туғуш вә сүпәтлик тәрбийәләш” ни алға сүрүватқанлиқи, балилириниң һәқсиз маариптин бәһрмән болуватқанлиқини қәйт қилип, хитайниң райондики пиланлиқ туғут, ассимилятсийә сияситини ақлиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт