Уйғур ирқий қирғинчилиқини тонуш һәққидики тәклип лайиһәси италийә парламентида тонуштурулидикән

Мухбиримиз ирадә
2021-03-25
Share

Италийә парламентиниң әзаси, парламент ташқий ишлар комитетиниң муавин башлиқи павло форментин италийә парламентида хитай һөкүмити уйғурларға йүргүзүватқан зулумни ирқий қирғинчилиқ дәп тонуш һәққидики тәклип лайиһәсини тонуштуридиғанлиқини җакарлиған.

У 24-март күни парламентта қилған сөзидә, хитай һөкүмитиниң уйғур мусулманлириға қаритиватқан зулумиға аит ашкариланған нурғун испатларниң б д т ирқий қирғинчилиққа қарши туруш хитабнамисидә ирқий қирғинчилиққа берилгән тәбиргә мас келидиғанлиқини әскәртип, италийәниңму бу зулумға қарап турмаслиқи вә уни ирқий қирғинчилиқ дәп тонуши керәкликини билдүргән.

Хәлқара мустәбитликкә қарши туруш тәшкилатиниң билдүрүшичә, павло форментин парламенттики сөзидә йәнә хитай һөкүмитиниң явропа парламентидики кәспдашлириға җаза тәдбири қойғанлиқиниму қаттиқ тәнқидлигән вә уни қобул қилғусиз, дәп көрсәткән. Италийә парламент әзаси павло форментин хитай мәсилиси бойичә парламентлар ара һәмкарлиқ гурупписиниңму әзаси икән.

Нөвәттә америка һөкүмитидин башқа, канада вә голландийә қатарлиқ дөләтләр парламентлири бу зулумни ирқий қирғинчилиқ, дәп тониди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт