Италийә әдлийә даирилири хитай пуқралирини пул ююш билән әйибләйдиғанлиқини билдүрди

Мухбиримиз үмидвар
2015-06-21
Share


Италийә тәптиш хадимлири италийәниң милан шәһиридики хитай банкисиниң шөбиси вә тәхминән 300 нәпәр хитай пуқрасини пул ююш билән әйибләйдиғанлиқини билдүрди.

Б б с агентлиқиниң хәвәр қилишичә, мәзкур хитай пуқралириниң қанунсиз йосунда тәхминән 5 милярд 100 милйон америка доллирини италийәдин хитайға йөткигәнлики илгири сүрүлгән. Италийә әйиблигүчи әмәлдари бу пулларниң сақтилиқ, баҗдин қечиш вә ишчиларни екиспилататсийә қилиш йоллири билән қолға кәлтүрүлгәнликини билдүргән.

Бир нәпәр сотчи хитай банкиси вә 297 нәпәр адәм үстидин сот ечилиши мумкинликини билдүргән. Әмма һазирғичә хитай банкиси вә хитай һөкүмити италийә тәрәпкә қарита һечқандақ инкас қайтурмиған.

Б б с ниң хәвиридә ейтилишичә, италийә әйиблигүчилири италийәдики хитай көчмән ишчилириниң хизмәт шараити мәсилисигиму диққәт қилип, 2013 - йили 12 - айда йүз бәргән бир тиккүчилик фабрикисидики от апитидә 7 адәмниң өлүши келип чиққанлиқини билдүргән һәмдә бәзи хитайлар ачқан завутниң тәшкиллик җинайәт делолири билән мунасивәтлик икәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт