Америка корейә қирғақлириға җайлаштурулған авиаматка санини 3 кә йәткүзди

Мухбиримиз җүмә
2017.06.03
Share on WhatsApp
Share on WhatsApp

Хәвәрләргә қариғанда, америка һәрбий даирилири йәнә бир авиаматкини корейә йерим арилиға йоллап, мәзкур районға җайлаштурулған авиаматка санини 3 кә йәткүзди.

Америка икки һәптә илгири өзиниң “роналд реган” вә ядро маторлуқ “карл винсон” намлиқ икки авиаматкисини җәнубий корейәдики маневирға қатнаштурушқа йоллиған иди.

“ташиқи сиясәт” журнилиниң җүмә күни хәвәр қилишичә, америкиниң 3-авиаматкиси “нимитз” 1-июн вашингтон штатидики һәрбий порттин корейә йерим арилиға қарап йолға чиққан.

У көзлигән нишаниға йетип барған һаман районда чарлашни давамлаштуридикән.

Хәвәрдә көрситишичә, бу, “карл винсон” вә “роналд реган” намлиқ бу икки авиаматкиға яндашқан зәрбә бериш гурупписиниң 1990-йилидин буян тунҗи қетим ғәрбий тинч окяндики корейә қирғанлириға йеқин җайда бирләшмә һәрикәт қилиши икән.

Бу зәрбә бериш гурупписи алдинқи икки күндин буян ғәрбий тинч окянда 3 күнлүк һәрбий маневирни башлиған.

Японийәму өзиниң тикучар тошуйдиған авиаматкисини өз ичигә алған икки чоң һәрбий кемиси билән пәйшәнбә күнидики маневирға қатнашқан.

Маневир бу һәптә ахири түгәйдиған болуп, маневирға японийә һава армийәсиниң F15 вә америкиниң F18 типлиқ күрәшчи айропиланлириму иштирак қилған.

Шималий корейә даирилири хәлқара җәмийәтниң наразилиқиға қаримай ракета вә башқурулидиған бомба синақлирини изчил давам қилғандин кейин, америка өзниң әң илғар башқурулидиған бомба қалқан системиси -THAAD йәни “юқири бошлуқ һава мудапиә терминали” ни җәнубий корейәгә орунлаштурған.

Бу хитайниң наразилиқини қозғиған.

Пәйшәнбә күни хитай ташқи ишлар баянатчиси хва чүнйиң америкини мәзкур қалқан системисини корейәдин йөткәп кетишкә чақирған.

Америкиниң шуниңға яндашқа һалда мәзкур деңиз райониға 3 чоң авиаматкисини орунлаштуруши район вәзийитини көзәткүчиләрниң диққитини тартмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.