Ma shingruy Uyghur rayonidiki kommunistik yash ittipaqi ezalirini “Bingtu'en rohi” ni ülge qilishqa chaqirghan
Xitay kompartiyesi nöwette xitay kommunistik yashlar ittipaqi qurulghanliqining 100 yilliqini tebrikligen. 10-May küni xitay dölet re'isi shi jinping bu heqte mexsus nutuq sözlep, yashlar ittipaqi ezalirining kompartiyege egiship méngishini we “Xitay arzusi” ni emelge ashurush üchün küresh qilishini telep qilghan.
Xitayning “Tengritagh tori” ning xewirige qarighanda, 11-may küni Uyghur aptonom rayonluq partkomning sékritari ma shingruy shi jinpingning xitay kommunistik yashlar ittipaqi qurulghanliqining 100 yilliqini tebriklesh yighinida qilghan muhim sözining rohini yetküzüsh üchün, Uyghur aptonom rayonluq partkom da'imiy hey'itining kéngeytilgen yighinini chaqirghan.
Ma shingruy bu yighinda “Yashlarni shi jinpingning tapshuruqini este ching saqlash, uning gépidin chiqmasliq, kompartiyening omumiyyüzlük rehberlikini kommunistik yashlar ittipaqi xizmitining pütkül jeryani hemde herqaysi saheliride emeliyleshtürüsh” ni telep qilghan.
Diqqet qozghaydighini shuki, ma shingruy sözide “Döletning chong ishi”, “Bingtu'en rohi”, “Toghraq rohi” dégendek mexsus términlarni ishlitip, Uyghur rayonidiki yashlarni maw zédung dewridiki “Chégra rayonni güllendürüsh” chaqiriqini éisde ching tutushqa ündigen.
U mundaq dégen: “Kommunistik yashlar ittipaqining asasiy tayanch qoshun bolushtek rolini yaxshi jari qildurush kérek. Shinjangning emeliyitige zich birleshtürüp, keng ittipaq ezaliri we yashlarni ‛döletning chong ishi‚ ni qelbige püküp, burch we mes'uliyitini zimmisige élishqa yéteklesh kérek. ‛toghraq rohi‚ we ‛bingtu'en rohi‚ ni ewj aldurup, yéngi dewrdiki partiyening shinjangni idare qilish tedbirlirini toluq izchillashturushqa heqiqiy türde kapaletlik qilip, yashlarni shinjangning islahat, tereqqiyat, muqimliqqa a'it türlük ishlirini algha siljitishtiki jenggiwar qoshun bolushqa yéteklesh kérek.”
Xitayning Uyghur rayonidiki gheyriy resmiy armiyesi bolghan bingtu'en 1950-yillarning bashlirida qurulghandin buyan, Uyghur élidiki eng munbet yerlerni we su menbelirini igiliwélish, toghraq we yépincha ösümlüklerni weyran qilip boz yer échish, sheherleshtürüsh, shundaqla bu sheherlerge zor miqdarda xitay ahalilirini köchürüsh arqiliq, xitayning Uyghurlarni öz zéminida az sanliqlargha aylandurup yoqitishtin ibaret ishghal siyasitide awan'gartliq rol oynap kelgen idi.
Amérikadiki Uyghur ziyaliysi élshat hesen ependining körsitishiche, ma shingruy dewatqan “Bingtu'en rohi” we “Toghraq rohi” dégen atalghular xitayning ishghaliyetchilik mahiyitini körsetse, “Döletning chong ishi” dégini Uyghurlarning bu rayondiki yiltizini qurutush arqiliq, Uyghur rayonini “Xitayning ebediy ayrilmas bir parchisigha aylandurush” istratégiyesini körsitidiken.
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
