Марку рубийо алма, найик қатарлиқ ширкәтләрни бейҗиңниң уйғур җинайитигә шерик болуш билән әйиблигән

Мухбиримиз әркин
2021-06-11
Share

Америка кеңәш палата әзаси марку рубийо ‍алма, найик, амазон, кока кола қатарлиқ даңлиқ ширкәтләрниң хитайниң мәҗбурий әмгикини ‍ишләткәнликини тәнқидләп, бу ширкәтләрни "бейҗиңниң уйғурларға қарита садир қилған җинайәтлиригә ‍америкалиқларни шерик қилип қойди", дәп әйиблигән. У, бу ширкәтләрниң узун вақиттин буян мәҗбурий әмгәкни ишлитип кәлгәнлики яки улар мәҗбурий әмгәк ишләткән яки мәҗбурий әмгәкни ишләтти, дәп гуман қилинған тәминлигүчиләрдин пайдилинип кәлгәнликини билдүргән.

Рубийо йиғинда йәнә мундақ дегән: "кишини әпсусландуридиғини, бу ширкәтләр һәммимизни бу җинайәткә шерик қилип қоюватиду. Шу сәвәблик кеңәш палатаси бизниң уйғур мәҗбурий әмгикини чәкләш қанун лайиһисини тез мақуллап, мәҗбурий әмгәктә яки уйғур мәҗбурий әмгикидә ишләпчиқирилған мәһсулатларниң базиримизға киришиниң алдини елиш бәк муһим".

Марку рубийо бу сөзләрни кеңәш палатаси ташқи мунасивәтләр комитетиниң 10-июн ‍өткүзүлгән уйғурлар һәққидики бирләшмә гуваһлиқ йиғинида ейтқан. Бу йиғинда "коммунизм қурбанлири хатирә фонди" ниң тәтқиқатчиси адриян зенз, кишилик һоқуқни көзитиш тәшкилати хитай бөлүминиң директори софийә ричардсон, уйғур һәрикити тәшкилатиниң мәсули рошән аббас гуваһлиқ бәргәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт