Xitay hökümiti Uyghur mejburiy emgikini pash qilghan amérika emgek mupettish shirkitining xitaydiki tarmiqini taqighan

Xitay hökümiti Uyghurlarning mejuriy emgekke séliniwatqanliqi toghrisida doklat teyyarlighan amérikadiki “Werité” namliq xelq'ara emgek mupettish shirkitining xitaydiki bir yerlik hemkarlashquchi tarmaq shirkitini taqighan.

Melum bolushiche, shénjéndiki “Xitay werité” namliq bu shirketning taqilishigha uning Uyghur mejburiy emgéki toghrisida teyyarlighan doklati seweb bolghan. Bu doklatta xitayning Uyghurlarni mejuriy emgekke séliwatqanliqi qeyt qilin'ghan.

Bu doklatni teyyarlashni ulargha amérikadiki “Werité” emgek mupettish shirkiti hawale qilghan bolup, uni “Werité” shirkitige xelq'ara “Aliy süpetlik paxta teshkilati” höddige bergen. “Wol-sitrét zhornali” gézitining 19-awghust bergen bu heqtiki xewiride éytishiche, shénjéndiki mezkur xitay emgek mupettish shérkitining taqilishi “Xitayda emgek nazaritining ishenchilikligige qarita su'al peyda qilghan.”

“Wol-sitrét zhornali” gézitining xewiride yene “Béyjingning shinjangdiki mejburiy emgekke qarshi turushqa zerbe bérish herkitini kücheytkenkiliki”, shundaqla bu xelq'araning xitaydiki teminat zenjirini nazaret qilishini téximu murekkepleshtürgenliki” ni bildürgen.

Xitay da'iliri bu yil 4-ayda shénjindiki “Xitay werité” ning az dégende 7 neper xadimini soraq qilghan. Da'iriler yéqinda ularning bezilirini Uyghur mejburiy emgiki toghrisida teyyarlighan doklatining toghra ikenlikini inkar qilishqa mejurlighan idi.