Хитай һөкүмити американиң мәҗбурий әмгәккә четишлиқ йоруқлуқ волт мәһсулатини тутуп қалғанлиқиға наразилиқ билдүргән

Мухбиримиз җәвлан
2021-09-22
Share

"хитай хәвәрлири тори" ниң 22-сентәбирдики хәвиридин мәлум болушичә, америка таможна вә чегра қоғдаш идариси хитай җинке ениргийә чәклик ширкитиниң бир қисим қуяш ениргийәси тахтисиға ишлитилгән хам әшясини уйғур районидики мәҗбурий әмгккә четишлиқ дәп қарап тутуп қалғандин кейин, хитай һөкүмити буниңға наразилиқ билдүргән.

Хитай ташқий ишлар министирликиниң баянатчиси җав лиҗйән 22-сентәбир сөз қилип: "американиң бу қилмиши шинҗаңниң тәрәққиятиға йәнә бузғунчилиқ қилғанлиқ, хәлқара ишләпчиқириш линйәси вә тәминләш линийәсигә дәхли қилғанлиқ, йәр шари келимат өзгиришигә тақабил туруш тиришчанлиқини бикар қилғанлиқ," дәп әйблигән. У йәнә мәҗбурий әмгәк мәсилисини инкар қилған һәмдә американи "хаталиқини түзитип", хитай карханилирини зиянға учритиштин тохташқа чақирған.

Анализчиларниң қаришичә, америка президенти җов байден американиң йеңи ениргийә қурулуши пиланини оттуриға қойғандин кейин, американиң қуяш ениргийәси тахтисиға болған еһтияҗи ашидикән, хитай карханилири бу пурсәтни көзләп кәлгән болуп, бу қетим мәҗбурий әмгәккә четишлиқ йоруқлуқ волт мәһсулатиниң, йәни қуяш ениргийә тахтисиниң тутуп қелиниши хитайниң америкадин күтидиған бу мәнпәәтигә урулған чоң зәрбә һесаблинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт