Диалог фонди хитайниң сиясий җинайәтчиләр санини мүҗмәлләштүруватқанлиқини билдүрди

Мухбиримиз җүмә
2014-03-12
Share

Америкидики бир фонди җәмийити хитайниң өктичи вә аталмиш дөләт бихәтәрлики қануниға хилаплиқ қилған кишиләрни сиясий җинайәтләр билән җазалимай бу хил җинайәтләр билән җазаланған кишиләрниң санини мүҗмәлләштүруватқанлиқини билдүрди.

Бу сөзләрни мәркизи сан франсискодики кишилик һоқуқ тәшкилати-«диалог» фонди җәмийити оттуриға қойди.

Уларниң билдүрүшичә, хитайда «дөләтни парчилаш вә дөләт һакимийитини ағдуруш» қатарлиқ җинайәт билән җазаланғанлар санини өткән йили 2007-йилидин буянқи әң төвән чәккә чүшкән.

Мәзкур җәмийәт өзиниң бу һәқтики анализини хитай алий сот мәһкимиси тарқатқан сақилиқ мәлуматларға асасән чиқарған.

Анализға қариғанда, хитайда өткән йили 830 адәм сиясийси җинайәт билән җазаланған болуп, бу 2012-йилидикидин 21 пирсәнт төвәнлигән.

Уларниң қаришичә, хитай даирилири өткән йили өктичи вә сиясий җинайәтчиләрни дөләт бихәтәрликигә аит җинайәт түрлири билән җазалимай, «җәмийәт тәртипини қалаймиқан қилиш», «қанунсиз топлишиш қатарлиқ җинайәтләр билән җазаға тартқан.

«Диалог» фонди җәмийити 10-февралдики доклатида, 2013-йили уйғур елидә 300 кишиниң дөләт бихәтәрликигә зиян йәткүзүш җинайити билән әйибләнгәнликини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт