تايلاند ساقچى تەرەپ پەيشەنبە كۈنىدىكى پارتلاشقا ئائىت يىپ ئۇچى ئىگىلىگەن

مۇخبىرىمىز ئۈمىدۋار
2016-08-15
Share


تايلاند ساقچى تەرەپ ئۆتكەن پەيشەنبە كۈنى تايلاندنىڭ جەنۇبىدا يۈز بەرگەن بومبا ھۇجۇمىنى كەلتۈرۈپ چىقارغۇچىلارنىڭ كىم ئىكەنلىكىنى ئېنىقلىغانلىقىنى بىلدۈرگەن.

ئەنگلىيە ب ب س ئاگېنتلىقىنىڭ خەۋەر قىلىشىچە، پەيشەنبە كۈنى تايلاندنىڭ جەنۇبىدىكى ئەڭ ئاۋات ساياھەت رايونىدا يۈز بەرگەن ئارقىمۇ - ئارقا پارتلاش ۋەقەسىدە كەم دېگەندە 4 ئادەم ئۆلۈپ، 30 نەچچە ئادەم يارىلانغان.

ۋەقەدىن كېيىن، تايلاند ساقچى تەرەپ بىر قانچە گۇماندارنى تۇتقۇن قىلغان بولۇپ، ساقچى تەرەپ بۇ ۋەقەنى بىر شايكىنىڭ بىر كىشىنىڭ قوماندانلىقىدا كەلتۈرۈپ چىقارغانلىقىنى بىلدۈردى.

تايلاند ھۆكۈمىتى مەزكۇر ھۇجۇمنىڭ ھەربىي ھۆكۈمەتنىڭ باشچىلىقىدىكى ئاساسىي قانۇنغا ئاۋاز بېرىش ۋە 2017 - يىلى ئۆتكۈزۈلمەكچى بولغان يېڭى سايلامدىن نارازى بولغانلارنىڭ پەردە ئارقىسىدا پىلانلىغانلىقىنى بىلدۈرگەن بولسىمۇ، ئەمما ئۆكتىچىلەر بۇنداق ئەيىبلەشنى ئىنكار قىلغان. ئەمما، ھازىرغىچە بىرەر تەشكىلات ياكى شەخس بۇ ۋەقەنى سادىر قىلغانلىقىنى زىممىسىگە ئالمىغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت