Тибәтликләр сичүәндики бир ибадәтханида далай ламаниң рәсимини чиқирип дуа-тилавәт өткүзгән

Мухбиримиз шөһрәт һошур
2016-01-29
Share

Сичүәнниң гәнзи наһийисиниң чокри ибадәтханисида топланған 1000дин артуқ тибәтлик буддист, америкида саламәтлик тәкшүрүши елип бериватқан диний даһийси далай ламаға саламәтлик тиләп мушу айниң25-вә26-күнлири мәхсус дуа-тилавәт өткүзгән.

Нәқ мәйдандин тартилған сүрәттин мәлум болушичә, улар бу тилавәтни ибадәтхана сәһнисигә есилған далай ламаниң рәсими алдида елип барған.

Радиомизниң бүгүнки бу һәқтики инглизчә хәвиридә баян қилинишичә, адәттә 13-январдин 24‏-январғичә тибәт буддистлириниң йиллиқ дуа-тилавәт һәптиси болуп, тибәтләрниң һиндистан дарамсаладики тәшкилати нөвәттә дохтурханида тәкшүрүлүватқан далай ламаға саламәтлик тиләш һәққидә чақириқ чиқарған вә дуа-тилавәт һәптисини икки күн узартишни тәшәббус қилған.

Бу чақириқ вә тәшәббусқа аваз қошқан сичүәндики тибәтләр мәзкур дуа-тилавәт паалийитини өткүзгән.

Дарамсаладики тибәт паалийәтчиләрниң билдүрүшичә, сичүәндики бу дуа-тилавәт паалийитигә хитай тәрәп қол тиқишқа петиналмиған вә һазирғичә бу паалийәткә қетилғанларниң җазаланғанлиқи һәққидә һечқандақ гәп-сөз кәлмигән.

Сүргүндики тибәт һөкүмити бүгүн бир баянат елан қилип, далай ламаниң саламәтлик тәкшүрүшидә әндишилинәрлик бир әһвал көрүлмигәнликини баян қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт