Уйғур дияридики қурулуш сепигә 200 миң ишчи қошулмақчи
Хитай һөкүмити йеқинда «ишчилар сепини кеңәйтиш вә намратлар үчүн ишқа орунлишиш пурсити яритиш» намида уйғурлар диярида кәлгүси үч йил ичидә 200 миң ишчини қурулуш саһәсигә елип келидиғанлиқини җакарлиди.
Хитай һөкүмитиниң башқурушидики шинхуа агентлиқиниң 4-өктәбирдики хәвиридә ейтилиишчә, һазирға қәдәр уйғурлар диярида қурулуш саһәсигә 300 миңдин артуқ ишчи елинған болуп, омумий пиланниң 60 пирсәнттин көпрәкини тәшкил қилидикән. Бу ишчиларниң мутләқ көп қисми или, ақсу, қәшқәр қатарлиқ җайлардин ишчилиққа қобул қилинғанлар икән.
Хәвәрдә ейтилишичә, нөвәттә олтурақ өй қурулуши вә маарип орунлириниң тәшкиллиши билән уйғурлар дияриниң һәрқайси җайлирида бирдәк қурулуш ишчилирини тәрбийәләш орунлири тәсис қилинған болуп, бу йилниң өзидә 60 миң киши бу мәркәзләрдә тәрбийәлинидикән.
Муһаҗирәттики анализчилар бу һални хитай һөкүмитиниң өткән йиллардин буян хитай өлкилиридин уйғурлар дияридики мәмурий орунлар вә сақчи системисиға миңлап кадир қобул қилиши билә селиштуруп, қурулуш сепигә елинидиған бу 200 миң кишиниң лагерлардин қоюп берилидиған яш вә оттура яш кишиләр икәнликини алға сүрди. Шундақла хитай һөкүмитиниң һәрқачан «намратлиқни түгитиш» дегәндәк намлар билән бу хил тәдбирләрни ниқаблайдиғанлиқини тәкитлиди.
- Мәһмуд қәшқәри қатарлиқ 3 нәпәр мәшһур шәхсниң уйғур дияридики һәйкәллири еливетилгән
- Һиндонозийә түрмисидики әхмәт бозоғлан: «сорақта қейин-қистаққа учридуқ, өзимиз чүшәнмигән қәғәзләргә қол қойдуқ»
- Шуңқар болдуң, шуңқардәк яшап
- «Лагер» дин қачқан пәйзулла утуқниң тутулған әмәс, етиветилгәнлик хәвири чиқти
- Уйғур тебабәт дохтурханисиға орнитилған ғазибайниң һәйкили еливетилгән
