Prézidént baydén “Uyghur mejburiy emgikining aldini élish qanun layihesi” ge imza qoyup, resmiy qanun'gha aylandurdi

Muxbirimiz irade
2021-12-23
Share

“Uyghur mejburiy emgikining aldini élish qanun layihesi” amérika prézidénti jow baydénning imza qoyushi bilen resmiy qanun'gha aylandi.

Amérika prézidénti jow baydén bügün, yeni 23-dékabir peyshenbe küni “Uyghur mejburiy emgikining aldini élish qanun layihesi” ni imzalap, uni resmiy qanunlashturdi.

Aqsarayning bu heqte élan qilghan bayanatida mundaq déyilgen:

“2021-Yili 12-ayning 23-küni prézidént xitayning shinjang Uyghur aptonom rayonidin mehsulat import qilishni chekleydighan we shundaqla rayondiki mejburiy emgekte mes'uliyiti bar chet'ellik emeldarlarni jazalaydighan 6256-nomurluq qanunni imzalidi.”

Bayanatta yene mezkur qanunning royapqa chiqishida rol oynighan amérika awam palatasining re'isi nensiy pélosi xanim, kéngesh palatasining re'isi shumir, awam palata ezaliridin mekgawrn we kiristofér simis, kéngesh palata ezaliridin jéf mérkléy we marko rubiyoning bu jehettiki xizmetlirige rehmet éytilghan.

“Uyghur mejburiy emgikining aldini élish qanun layihesi” ning birlikke kelgen axiriqi nusxasi 14-dékabir toluq awaz bilen awam palatasidin ötken, 16-dékabir küni yene toluq awaz bilen kéngesh palatasidin ötüp prézidént baydénning imza qoyushi üchün sunulghan idi.

“Uyghur mejburiy emgikining aldini élish qanuni” xitay hökümitining Uyghurlargha qaratqan irqiy qirghinchiliqi we insaniyetke qarshi jinayitige zerbe bérishtiki bösüsh xaraktirliq emeliy qedemlerning biri bolup, uning resmiy qanun'gha aylinishi chet ellerdiki Uyghurlarni we Uyghurlarni qollighuchi barliq insanlarni söyündürdi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet