Google Елхәт мулазимити хитайда аста - аста әслигә келишкә башлиған

Google Елхәт мулазимити өткән һәптә хитайда туюқсиз тохтап қалғандин кейин, 2 - январдин башлап аста - аста әслигә келишкә башлиған.

Google Даирилири ABC хәвәр агентлиқиға қилған сөзидә, мәсилиниң өзидә әмәслики, бу тәрәптә һечқандақ техникилиқ кашила көрүлмигәнликини билдүргән.

Google Даирилири елхәт мулазимитиниң әслигә келишкә башлиғанлиқини билдүргән болсиму, әмма раванлиқ дәриҗисиниң мулазимәт тохтап қелиштин илгирики сәвийәгә йетәлмигәнликини билдүргән.

Хитай һөкүмитиниң игидарчилиқидики «хәлқ гезити» бу һәқтә елан қилған обзорида техникилиқ кашилиниң «орунсиз гуманлар» ға сәвәб болғанлиқини билдүргән.

Обзорда мундақ көрситилгән: хитай һөкүмити һәр қандақ ширкәтниң хитай қануниға бойсунған асаста хитайда тиҗарәт қилишини қариши алиду. Һалбуки, гугул хитай қанунидики чәклимиләргә асан бойсунмаслиққа бәкрәк әһмийәт берип, тоқунуш кәлтүрүп чиқармақта.

Бу гугул издәш матори вә елхәт мулазимитиниң хитайда тунҗи қетим дәхлигә учуруши әмәс.

Гугул хитайниң издәш маториға қойған чәклимиси түпәйли 2009 - йили хитайдики издәш мулазиметирини тақап, хоңкоңға йөткәшкә мәҗбур болған иди.

Шундин кейин гугулниң хитайдики мулазимити изчил раван болмай кәлмәктә.

Хитайда гугул ширкитиниң YouTube қанили, FaceBook, Twitter қатарлиқ иҗтимаий тартқуларму тақалған.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар