Xitay déngiz qoghdash etriti sénkakugha yéqinlashqan

Yaponiye da'irilirining bildürüshiche, xitayning yéngi tiptiki déngiz qoghdash etriti kémiliri yaponiye-xitay arisida talash-tartish qiliniwatqan déngiz tewelikige yéqinlashqan. Bu, shu xildiki xitay kémilirining mezkur rayonda tunji qétim bayqilish iken.

Yaponiye déngiz qoghdash etritining éytishiche, bu qétim yaponiye bashqurushidiki sénkaku ariligha yéqinlashqan xitay kémiliri 4 ke yétidiken.

Xitayning yéngi déngiz qoghdash etriti düshenbe küni béliqchiliq, déngiz tekshürüsh, déngiz tamozhnisi qatarliq orunlarning qoshulushi bilen qayta teshkilligen we wezipe tapshuruluwalghan idi.

Yéngi teshkilligen déngiz qoghdash etritige yénik tiptiki top we éghir tiptiki pilimotlar bilen qorallan'ghan paraxotlar seplep bérilgen.

Yaponiye terepning bildürüshiche, xitayning bu kémiliri ötken 8 kündin buyan sénkaku tewelikide közge chéliqishqa bashlighan.

Yaponiye terepning buninggha qandaq inkas qayturghanliqi melum emes.

Ötken yili tokyo shehiri sénkaku arilini shexsiylerning qolidin sétiwalghandin kéyin, yaponiye-xitay munasiwetliri téximu jiddiyleshken idi.