Юқири дәриҗилик хитай әмәлдарлири «мәркәзниң шинҗаңни идарә қилиш истратегийәси» ниң әмәлийлишиш әһвалини тәкшүргән

Мухбиримиз әркин
2019-07-15
Елхәт
Пикир
Share
Принт

Хитайниң уйғур аптоном районидики юқири дәриҗилик сиясий, һәрбий, мәмурий әмәлдарлири уйғур елиниң җәнубий вә шәрқидики вилайәт, шәһәрлиридә тәкшүрүш елип берип, хитай компартийәси мәркизи комитетиниң «шинҗаңни идарә қилиш истратегийәси» ниң әмәлийлишиш әһвали һәққидә тәкшүрүш елип барған.

Көзәткүчиләрниң илгири сүрүшичә, нөвәттә хитай компартийәси «3‏-нөвәтлик шинҗаң хизмити йиғини» чақиришқа тәйярлиқ қиливатқан болуп, бу тәкшүрүш бу йил язда чақирилидиған мәзкур йиғин билән мунасивәтлик икән. Йеқинда хоңкоңдики «җәнубий хитай сәһәр почтиси» гезитиниң хитайниң «3‏-нөвәтлик шинҗаң хизмити йиғини» чақиришқа тәйярлиқ қиливатқанлиқи, йиғинда хитайниң бу райондики сияситиниң көзлигән мәқсәткә йәткән-йәтмигәнлики көрүп чиқилиши мумкинликини илгири сүргән.

Хитай һөкүмити 2017‏-йилдин башлап 800 миңдин 2 милйонғичә уйғурни вә башқа түркий милләтләрни тутқун қилип, лагерларға қамиған. Аилиләрни парчилап, уйғурларниң диний етиқади, мәдәнийити вә тилини чәклигән. Бу уйғур иҗтимаий һаятиға еғир бузғунчилиқ елип кәлгәниди.

«Шинҗаң гезити» ниң 15‏-июл бәргән хәвиридә баян қилинишичә, шинҗаң һәрбий райониниң сиясий комиссари ли вей ақсу, қизил су қәшқәр қатарлиқ җайлардики һәрбий қисимлар вә чегра мудапиә понкитлирида тәкшүрүш елип барған. Уйғур аптоном райониниң муавин рәиси әркин тунияз үрүмчи, турпан, қумул қатарлиқ җайларда, үрүмчи шәһириниң партком секретари шү хәйроң үрүмчи шәһиригә қарашлиқ сайбағ райони қатарлиқ җайлардики иҗтимаий район, сақчи понкити, әдлийә орни, сәһийә мулазим әт мәркизи қатарлиқ орунларда нишанлиқ тәкшүрүш елип берип, хитай партийәсиниң «шинҗаңни идарә қилиш баш истратегийәси» ниң әмәлийлишиш әһвали, униң техиму чоңқур әмәлийләштүрүлүшидә сақлиниватқан мәсилиләрни тәкшүргән. Әгәр хитайниң «3‏-нөвәтлик шинҗаң хизмәт йиғини» дегәндәк бу йил язда чақирилса, уйғур мәсилиси дунядики әң чоң кишилик һоқуқ кризисқа айлинип, ғәрб әллириниң қаттиқ тәнқидигә учраватқан бир мәзгилдә өткүзгән болидикән.

Пикирләр (0)
Share
Толуқ бәт