Sichüen ölkisi siyasiy kéngishining re'isi tekshürülmekte

Muxbirimiz ümidwar
2013-12-29
Élxet
Pikir
Share
Print

Sichüen ölkisi siyasiy kéngishining re'isi tekshürülmekte

Sichüen ölkisi siyasiy kéngishining re'isi li chongshi tekshürülüshke bashlighan.

Bu, xitay sabiq siyasiy qanun komitétining mes'uli ju yongkang, mu'awin jama'et xewpsizlik ministiri li dongshéng, xubéy ölkisining mu'awin re'isi shuningdek yéqinda yene we sabiq Uyghur aptonom rayoni mu'awin re'isi yanggang we bashqilardin kéyin tekshürülgen yene bir neper yuqiri derijilik rehbiriy kadirdur.

B b s agéntliqining xewer qilishiche, hökümet terep li chongshining intizam xataliqi tüpeylidin tekshüriliwatanliqini ashkarilighan bolsimu emma uning xataliqlirining tepsilati heqqide héch néme démigen.

Li chongshi 2007-yili, bö shiley dewride sichüen ölkisi partiye komitétining mu'awin sékrétari bolghan, bu yil sichüen ölkilik siyasiy kéngeshning re'islik wezipisini zimmisige alghan idi.

62 Yashliq li chongshining xiyana'etchilik we chiriklik bilen chétishliqi barliqi perez qilinmaqta. Uning bö shiley délosi bilen baghlinishi bar-yoqluqi hazirche namelum.

Toluq bet