Amérika dölet mudapi'e ministiri xitayni jenubiy déngizda yasawatqan sün'iy aral qurulushini toxtitishqa chaqirdi

Muxbirimiz jüme
2015-05-30
Share


30 - May amérika dölet mudapi'e ministiri ashton kartér bayan élan qilip, xitayni jenubiy déngizda yasawatqan sün'iy aral qurulushini derhal toxtitishqa chaqirdi.

Kartér amérikining yuqiri meydanini sin'gaporda échiliwatqan bir xelq'ara xewpsizlik yighinda otturigha qoydi. Mezkur yighin zali asiya tinch okyan elliri rehberliri, diplomatlar w herbiy emeldarlar bilen liq tolghan idi.

Katér mundaq dédi: jenubiy déngizdiki zémin igilesh qedimi we kölimi amérika qoshma shtatlirini chongqur endishige saldi.

U, aralning ilgirilep herbiyleshtürülüshi we yoshurun heriketlerning bu yerde zémin talishi qiliwatqan eller arisida toqunush keltürüp chiqirishi mumkinlikini tekitlidi.

U yene mundaq dédi: bu yerde bir dölet bashqa döletlerge qarighanda téximu ichkirilep kirdi we tiz qedem aldi. U bolsimu xitay. Hazir xitay 2 ming géktar zémin igilidi. Bu etraptiki qoshna döletlerning igidarchiliqidiki barliq déngiz tewelikidinmu köp. Bu tarixtin buyan körülüp baqmighan. Xitay buni peqet ötken 18 ay ichide qildi.

Yighin meydanidiki xitay herbiy emeldarliri kartérning pozitsiyesige "Asassiz we paydisiz" étirazliq bildürdi.

Ötken hepte amérikining közitish ayropilanliri xitay spratél aralliri guruppisi etrapigha yasawatqan sün'iy aral üstidin uchup ötkende xitay amérika ayropilanlirini agahlandurghan we ularning bu da'iridin derhal chiqip kétishini telep qilghan.

Ötken hepte amérika CNN xewerler torining ziyaritini qobul qilghan CIA ning sabiq mu'awin diréktori maykil morél jenubiy déngizdiki xitay yasawatqan sün'iy aralning amérika - xitay arisida herbiy toqunush keltürüp chiqirishi mumkinlikini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet