Хитай компартийәсиниң 5 - омумий йиғини башланди

Мухбиримиз үмидвар
2015-10-25
Share


Дүшәнбә күнидики хитай компартийәсиниң 18 - қурултийи 5 - омумий йиғинида қандақ мәсилиләрниң асаслиқ муһакимә қилинидиғанлиқини диққәткә сазавәр болуп, б б с агентлиқиниң хәвәр қилишичә, 5 - омумий йиғинда асасий нуқта сүпитидә иқтисадий мәсилиләрниң музакирә қилинидиғанлиқи вә кәлгүси 5 йиллиқ иқтисадий пиланниң муһакимә қилинидиғанлиқи пәрәз қилинмақта.

Чүнки, иқтисадшунасларниң көзитишичә, хитайниң иқтисадий тәрәққияти йеқинқи 5 йилдин буянқи әң астилашқан, аксийә базири вәйран болушқа учриған бир вәзийәткә дуч кәлгән иди. Лекин, шинхуа агентлиқи 5 - омумий йиғин һарписида мақалә елан қилип, өткән 12 - бәш йиллиқ планға юқири баһа берип, 12 - бәш йиллиқ пиланни"ислаһат ечиветишниң бүйүк тарихи мусаписидики абидилик әһмийитигә игә 5 йил" дәп атиди.

Лекин, анализчилар 5 - омумий йиғинда иқтисадий мәсилидин башқа йәнә бәлки илгири җазаланған бир қисим компартийә мәркизий комитет әзалири вә кандидат әзалириниң орнини толуқлаш ишиму елип берилиши мумкинликини оттуриға қоймақта.

18 - Қурултайниң 5 - омумий йиғини 26 - өктәбирдин башлап, 4 күн бейҗиңда ечилиду.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт