Xitay soda sistémisi Uyghur diyarining tashqiy sodisigha yardem bermekchi bolghan

Muxbirimiz eziz
2022.04.27
Share on WhatsApp
Share on WhatsApp

Xitay hökümiti bashqurishidiki shinxu'a agéntliqining 27-apréldiki xewiride éytilishiche, xitay soda sistémisi Uyghur diyarining tashqiy soda pa'aliyetlirini kéngeytishige yardem béridighanliqini, shu arqiliq chet el meblighini jelp qilip, yawro-asiya yermenkisini téximu chong kölemde teshkilleydighanliqini bildürgen.

Xewerde éytilishiche, xitay soda ministirliki aldinqi küni ürümchide “Memliketlik soda sistémisining shinjanggha yardem bérish yighini” ni chaqirghan. Yighinda soda ministirlikining ministiri wang wéntaw alahide söz qilip: “Soda sistémisining shinjanggha yardem bérishi partiyemizning yéngi dewrdiki shinjangni idare qilish istratégiyesining muhim mezmunliridin biri,” dégen.

Melum bolushiche, ötken yilidin buyan xitaydiki wirus we siyasiy jehettiki qattiq kontrolluq sewebidin chet el meblighining xitaydin éqip chiqip kétishi bekmu éghir bolmaqta iken. Yene bir yaqtin amérika bashchiliqidiki bir qisim gherb ellirining xitaygha qarita iqtisadiy imbargo charilirini ijra qilishimu xitayning iqtisadiy jehettiki éshish sür'itini mu'eyyen derijide cheklep kelgen iken. Shunga nöwette “Xitay hökümiti Uyghur diyarini waste qilghan halda iqtisadiy jehettiki chékinishni qismen bolsimu ongshashqa urunuwatqan bolushi mumkin,” dégen texminler otturigha chiqmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.