Хитайда 100 миң тонна 40 йиллиқ тоң гөш байқалди

Мухбиримиз җүмә
2015-06-28
Share


Хитай даирилири хитайға әткәс қилип елип керилгән 100 миң тонна 40 йиллиқ кона тоң гөшләрни қолға чүшүргән.

BBC Ниң 26 - июн хәвәр қилишичә, 3 милярд йүән қиммитидики бу гөшләр пүтүн хитай бойичә елип берилған тазилаш һәрикитидә йиғивелинған.

Бу гөшләрниң 800 тонниси хитайниң хунән өлкисидә қолға чүшкән. Хәвәрдә нәқил қилишичә, хунәндики мәзкур һәрикәткә қатнашқан бир һөкүмәт хадими мундақ дегән: ишикини ачқинимда гөшләр сесип, шундақ пурап кәткәнки қусувәткили тасла қалдим.

Бу хилдики гөшләр гуаңши өлкисидинму қолға байқалған. Гуаңшидики мусадирә қилинған гөшләр 1970 - йили тоңлитилған икән.

Мәлум болушичә, бу гөшләрниң көпинчиси биразилийә, вийетнам қатарлиқ дөләтләрдин хоңкоң арқилиқ әткәс қилип әкирилгән.

Хәвәрләргә қариғанда, бу гөшләр кала вә тоху гөши болуп, булар әсли хитайдики талла базарлири вә ресторанларға тарқитилмақчи икән.

Даириләр бу әткәсчилик делосиға алақидар 21 гумандарни қолға алған.

Бу гөшләрниң уйғур ели базириға киргүзүлгән - киргүзүлмигәнлики мәлум әмәс.

Йеиқниқи йиллардин буян хитайда, җүмлидин уйғур елидә гөш баһаси һәссиләп өрләп кәткән. Гөш баһаси уйғур елидиму өткән бир нәччә йилдин буян пәқәт төвәнлимигән болуп, баһа бу нөвәтлик рамзанниң алида йәнә бир нәччә йүән өрлигән иди.

Хитайда йемәк - ичмәк бихәтәрлики әзәлдин еғир мәсилиләрниң бири болуп кәлгән. Өткән йили хитай базарлирида чашқан гөшидин ясалған сахта "қой гөшлири" байқалғанлиқи хәвәр қилинған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт