Amérika jumhuriyetchiler partiyesi korona wirusining wuxen tejribixanisidin tarqalghanliqini ilgiri sürdi

Muxbirimiz erkin
2021-08-02
Share

Amérika jumhuriyetchiler partiyesi 2-awghust élan qilghan bir doklatida, korona wirusining wuxen tejribixanisidin tarqalghanliqini bildürgen. Doklatta éytilishiche, amérikaliq mutexessisler xitay we amérika hökümetlirining iqtisadi yardimige ériship kelgen bu tejribixanidiki tetqiqatchilarning ilgiri korona wiruslirini ‍insanlargha yuqidighan shekilde özgertkenliki we bu xil kontrolluqning yoshurun bolidighanliqigha a'it yéterlik deliller barliqini körsetken.

Mezkur doklat 2-awghust küni amérika awam palatasining jumhuriyetchi ezasi, awam palata tashqi ishlar komitétining bash ezasi mayk mikkal teripidin élan qilin'ghan. Roytérs agéntliqining xewer qilishiche, mayk mikkal dunyadiki 4 milyon 400 ming ademning ölüshini keltürüp chiqarghan bu wirusning menbesini musteqil tekshürüshni telep qilghan.

Xitay hökümiti bu wirusning shekli özgertilgenliki we wuxen tejribixanisidin tarqalghanliqi, xelq'araning wirus menbesini qayta tekshürüshini iz‍chil ret qilip kelgen.

Doklatta "Biz wirus menbesining su mehsulatliri baziridin tarqalghanliqini pütüley ret qilish waqti kelgenlikige ishinimiz", "Shundaqla biz yene nurghun deliller wirusning wuxen wirus tejribixanisidin tarqalghanliqini ‍spatlawatqanliqigha ishinimiz" déyilgen. Doklatta éytilishiche, korona wirusi 2019-yili 12-séntebirdin burunqi melum waqitta tarqalghaniken. Amérika prézidénti jow baydén bu yil 5-ayda amérika istixbarat organlirigha wirusning menbesini qayta tekshürüp, 90 kün ichide özige doklat qilish toghrisida buyruq bergenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet