خىتاي تېلېۋىزىيە رىياسەتچىسى بى فۇجيەن ماۋ زېدۇڭنى مەسخىرە قىلغىنى ئۈچۈن جازالانغان

مۇخبىرىمىز قۇتلان
2015-08-10
Share

بىرلەشمە ئاگېنتلىقنىڭ خەۋىرىگە قارىغاندا، خىتاي مەركىزىي تېلېۋىزىيە ئىستانسىسىنىڭ داڭلىق رىياسەتچىسى بى فۇجيەن بۇ يىل ئاپرېلدا دوستلىرى بىلەن ئۆتكۈزگەن بىر ئولتۇرۇشتا ماۋ زېدۇڭنى مەسخىرە قىلغانلىقى ئۈچۈن يېقىندا جازالانغان.

مەلۇم بولۇشىچە، بى فۇجيەن مەزكۇر ئولتۇرۇشتا قىزىقچىلىق بولسۇن ئۈچۈن ماۋ زېدۇڭنى مەدھىيىلەيدىغان بىر «ئىنقىلابىي ناخشا» تېكىستىگە مەسخىرىلىك سۆزلەرنى قوشۇپ ئوقۇغان. ھالبۇكى، ئولتۇرۇشتىكى مەلۇم بىرى بۇنى ۋىدېئوغا ئېلىپ تورغا قويۇپ بەرگەن.

ئۇنىڭ بۇ ئىشى خىتاي ھۆكۈمىتى تەرىپىدىن پرىنسىپقا كۆتۈرۈلۈپ قاتتىق سۈرۈشتۈرۈلگەن. ئۇ تېلېۋىزىيىدە بۇ قىلمىشىدىن ئەپو سورىغان بولسىمۇ، لېكىن مەمۇرىي جازادىن قېچىپ قۇتۇلالمىغان.

خىتاينىڭ «ئىنتىزام تەكشۈرۈش گېزىتى» مەخسۇس ماقالە ئېلان قىلىپ، تېلېۋىزىيە رىياسەتچىسى بى فۇجيەننى «سىياسىي ئىنتىزامغا قاتتىق خىلاپلىق قىلغان، ماۋ زېدۇڭنىڭ ئوبرازىنى خۇنۈكلەشتۈرگەن» دەپ ئەيىبلىگەن.

كۆزەتكۈچىلەر، ماۋ زېدۇڭنىڭ بەزى سىياسەتلىرى گەرچە 1980-يىللاردا تەنقىدلەنگەن بولسىمۇ، لېكىن ئۇنىڭ ئوبرازى خىتايدا يەنىلا تەگكىلى بولمايدىغان ئىلاھلىق ھالىتىنى ساقلىماقتا، دەپ كۆرسەتمەكتە.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت