Yawropa ittipaqi döletliri elchiliri xitayning “Yéngi yipek yoli” qurulushigha qarshi birleshken

Muxbirimiz irade
2018-04-18
Share

Yawropa ittipaqidiki 27 döletning béyjingda turushluq elchiliri xitayning “Bir belwagh bir yol qurulushi” ni tenqid qildi.

Yawropa ittipaqi döletliri elchiliri charshenbe küni bir doklat teyyarlash arqiliq, xitayning yéngi yipek yoli qurulushni “Mexsus halda yawropa ittipaqining erkin tijaretni omumlashturush pilanigha qarshi turush, hoquq tengpungluqini buzush arqiliq xitay shirketlirige paydiliq shara'it yaritishni meqset qilghan” dep körsetken.

Gérmaniyediki iqtisad xewerliri tor béti bolghan “Handélsbet” torining xewer qilishiche, mezkur doklat bu yil 7-ayda ötküzülidighan “Yawropa-xitay aliy derijilik bashliqlar yighini” üchün teyyarlan'ghan bolup, mezkur doklatqa yawropa ittipaqidiki 28 dölettin peqet wén'giriye qol qoymighan. Emma yawropa ittipaqidiki 27 dölet hökümetliri xitayning bu “Yéngi yipek yoli qurulushi” gha ortaq qarshi turidighan bir istratégiye üstide izdenmektiken.

Xewerde éytilishiche, yawropa ittipaqidiki bir yuqiri derijilik emeldar bu heqte qilghan sözide: “Xitay shirketliri yawropa ittipaqi bilen tijaret qilimen deydiken biz choqum ularning yolsiz teleplirini ret qilip, özimizning shertlirige köndürüshimiz kérek” dégen. Gérmaniye iqtisad ministirlikining bir emeldari bolsa “Yéngi yipek yoli qurulushi choqum barliq tereplerge ortaq menpe'et bérishi kérek” dep eskertken.

Yéqinda amérika dölet mejliside “Bir belwagh bir yol qurulushi” heqqidiki guwahliq bérish yighinida söz qilghan mutexessisler xitayning yawropa ittipaqidiki wén'giriye, girétsiye qatarliq iqtisadi ajiz döletlerdin paydilinip turup, yawropa ittipaqining xitaygha qarita yürgüzüp kéliwatqan bir tutash siyasitige xewp peyda qiliwatqanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet