Қирғизистан уйғурлири “5-июл үрүмчи қирғинчилиқи” ниң 13 йиллиқини хатирлиди

Ихтиярий мухбиримиз ферузә
2022.07.06
Share on WhatsApp
Share on WhatsApp
Қирғизистан уйғурлири “5-июл үрүмчи қирғинчилиқи” ниң 13 йиллиқини хатирлиди “5-июл үрүмчи қирғинчилиқи” ниң 13 йиллиқини хатириләш паалийитидә шу қетимлиқ қирғинчилиқта һаятидин айрилған шеһитларниң роһиға атап хәтмә қуран оқулди. 2022-Йили 5-июл, қирғизистан.
RFA/Féruze

5-Июл күни қирғизистан уйғурлири 2009-йили 5 июлда йүз бәргән “үрүмчи қирғинчилиқи” ниң 13 йиллиқини хатирлиди. Хатириләш паалийитидә шу қетимлиқ қирғинчилиқта һаятидин айрилған шеһидларниң роһиға атап хәтмә қуран оқулди. Хатириләш паалийити 5-июл күни қирғизистан пайтәхти бишкәк вә қирғизистанниң җәнубидики җалал-абад шәһиридә өткүзүлди.

Бу йиллиқ “5-июл үрүмчи қирғинчиқлиқи” ни хатириләш паалийити қирғизистан уйғурлириниң “иттипақ” җәмийити вә дуня уйғур қурултийиниң қирғизистандики вакалатчиси розимуһәммәт абдулбақиниң тәшкиллиши билән елип берилди. Хатириләш паалийити давамида дуня уйғур қурултийиниң рәиси долқун әйса әпәнди тор арқилиқ җамаәт билән учршти. У уйғур мәсилисиниң дунявий мәсилисигә айланғанлиқини тилға елип, д у қ ниң әң йеқинқи паалийәтлирини тонуштуруп өтти.

Иттипақ җәмийитиниң рәиси әсқәр қасимоф доклат бәрмәктә. 2022-Йил 5-июл, бишкәк.
Иттипақ җәмийитиниң рәиси әсқәр қасимоф доклат бәрмәктә. 2022-Йил 5-июл, бишкәк.
RFA/Féruze

“5-июл үрүмчи қирғинчилиқи” ни хатириләш паалийитигә қирғизистан уйғурлири “иттипақ” җәмийитиниң муавин рәиси әкбарҗан баудуноф риясәтчилик қилди. Алди билән үрүмчи қирғинчилиқида қурбан болған шеһидларниң роһиға атап қуран тилавәт қилинди, андин қирғизистан уйғурлири “иттипақ” җәмийитиниң рәиси әсқәр қасимоф “5-июл үрүмчи қирғинчилиқи” йүз бериш сәвәблири вә җәряни тоғрисда доклат бәрди.

Бишкәк шәһиридә өткүзүлгән хатириләш паалийитигә қирғизистан уйғурлири “иттипақ” җәмийитиниң тәркибидики йезиларниң йигит башлири вә актип әзалири қатнашти. Бу паалийәткә йәнә қазақистанниң қордай йезисидики уйғур паалийәтчи мәвлан һошурофму қатнашти. Радийомиз зияритини қобул қилған мәвлан әпәнди өзиниң бу хатириләш паалийитидин алған тәсиратлирини баян қилип өтти.

Қирғизистан уйғурлириниң “5-июл үрүмчи қирғинчилиқи” ниң 13 йиллиқини хатириләш паалийити йәнә җалал абад шәһиридиму өткүзүлди. Паалийәткә җалал абад шәһиридики хәлқлар ассамблийәсиниң рәиси канибек аттокуроф қатнашип, уйғур хәлқиниң бүгүнки вәзийити билән тонушуп чиқти. Радийомиз зияритини қобул қилған җалал абад области ақсақаллар кеңишиниң әзаси әлишир насирахуноф мәзкур паалийәт һәққидики тәсиратлирини баян қилип өтти.

Қирғизистан уйғурлири өзлириниң миллий кимликини сақлап қелиш үчүн имканийити яр бәргән даиридә түрлүк паалийәтләрни уюштуруп кәлмәктә. Җүмлидин уйғур тарихидики муһим вәқәләрни хатириләп, кәлгүси әвладларни миллий роһта тәрбийәләшкә тиришчанлиқ көрсәтмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.