Дуня уйғур қурултийи “9-декабир уйғур ирқий қирғинчилиқи күни” дә кәң-көләмлик намайиш қилишқа чақирди
2023.12.06
Д у қ рәиси долқун әйса әпәнди 2-нөвәтлик “явропа түрк медияси алий йиғини” да сөз қилмақта. 2022-Йили 12-июн, германийә.
RFA/Erkin Tarim
12- Айниң 2- күни, дуня уйғур қурултийи омумий вәкилләр йиғини чақирип, “ 9- декабир уйғур ирқи қирғинчилиқи” күнидә дуня миқясида кәң-көләмдә намайиш қилиш чақириқи елан қилди.
Бу һәқтә дуня уйғур қурултийи рәиси долқун әйса әпәнди радийомизниң зияритини қобул қилип,“ 9- декабир уйғур ирқий қирғинчилиқи күни” ни хатириләшниң әһмийити һәққидә тохталди.
Дуня уйғур қурултийиниң бу йиғинида, 9-декабир күнини “уйғур ирқи қирғинчилиқи күни ” қилип бекитилгәнликиниң бир йиллиқи мунасивити билән, шәрқий түркистан даваси вә уйғур хәлқиниң мустәқиллиқ арзусини хәлқара күнтәртиптә тутуп туруш вә һелиһәм давам қиливатқан уйғур ирқий қирғинчилиқини тохтитиш вә хәлқара җәмийәткә хатирилитиш үчүн, муһаҗирәттики һәрқайси тәшкилатлар дуняниң һәр қайси җайлирида кәң көләмдә намайиш вә хатириләш паалийити өткүзүш қарари елинди.
Дуня уйғур қурултийи муавин рәиси зубәйрә шәмсиддин ханимму радийомизниң зияритини қобул қилип, “ 9-декабир уйғур ирқий қирғинчилиқи күни” һәққидә көз қаришини баян қилди.
Д у қ ниң омумий вәкилләр йиғинда елинған қарарлар бойичә, 9-декабир германийәниң миюнхен шәһиридә кәң көләмлик намайиш елип бериш пиланланған; қурултай рәиси долқун әйса бу мунасивәт билән қурултай тор телевизийәсидин мәхсус чақириқ елан қилған.
Буниңдин башқа, 11-декабир күни америка парламентида бу һәқтә мәхсус йиғин вә ахбарат елан қилиш паалийити , японийә уйғур җәмийити тәрипидин уйғурларни қоллайдиған японлуқлар билән биргә һәрқайси шәһәрләрдә нутуқ сөзләш , тәшвиқат варақчилирини тарқитиш вә намайиш паалийәтлири, лондонда кишилик һоқуқ тәшкилатлири билән биргә бирләшмә намайиш, түркләргә уйғур ирқий қирғинчилиқини тонуштуруш йиғини вә 11-декабир қанун мәктипидә уйғур ирқий қирғинчилиқи һәққидә мәлумат бериш паалийити, шундақла, канада, шиветсийә , норвегийә, австралийә , фирансийә , белгийә, шивейтсарийә , түркийә қатарлиқ җайларда бу күнни хатириләш мунасивити билән һәр хил паалийәт вә намайишлар өткүзүлмәкчи икән.
Көп көрүлгән хәвәрләр
RFA
- Әркин асия радийосиниң мәшғулати федератсийә мәблиғиниң кесилиши билән тохтиши мумкин
- Түркийә соти тунҗи қетим, әркин абдувәли исимлик уйғурни хитайға қайтуруп бериш қарарини елан қилди
- Ақсуда розидарларниң розисини бузуш яки роза тутушқа имкан қоймаслиқ үчүн аһалиләр мәҗбурий әмгәккә селинған
- Турғунҗан алавудун б д т да уйғур ирқий қирғинчилиқи вә хитайниң диний бастурушлирини әрәб тилида оттуриға қойди
- Мутәхәссисләр: “уйғур елидики юқумлуқ кесәлликләрниң алдини елиш базиси лопнурдики ядро синақ базисиға охшап кетиду”
Көп көрүлгән хәвәрләр
Тәпсилий хәвәр
- Әнглийәлик ютубер көргән тақақлиқ мәсчитләр вә роза тутуш чәкләнгән уйғурлар вәзийити диққәт қозғиди
- Хитайға қайтурулған уйғурларни “йоқлаш” қа маңған тайланд вәкилләр өмики агаһландурулди
- Түркийә сот мәһкимисиниң икки уйғурни хитайға қайтуруш қарари һәққидә инкаслар билдүрүлди
- Америка һөкүмити вә явропа парламентиниң һәрикити тайландниң қелип қалған уйғурларни қайтурушини тохтитип қалаламду?
- Мутәхәссисләр:“хитайға хушхәвәр болған ишлар уйғурлар үчүн шум хәвәрдур”