Dohada tosulup qalghan ablikim yüsüp amérikagha qarap yolgha chiqqan

Muxbirimiz alim séyitof, muxbirimiz jüme
2019-08-06
Élxet
Pikir
Share
Print
Ablikim yüsüp (ongdin birinchi) xitayning pakistanda turushluq sabiq bash elchisi sun wéydong (soldin ikkinchi) bilen birge.
Ablikim yüsüp (ongdin birinchi) xitayning pakistanda turushluq sabiq bash elchisi sun wéydong (soldin ikkinchi) bilen birge.
Ablikim Yusup teminligen

Doha xelq'araliq ayrodromida tosulup qélip xitaygha yolgha sélinish xewpige duch kelgen ablikim yüsüp bügün amérikagha qarap yolgha chiqqan.

Amérika tashqi ishlar ministirliqi bu munasiwet bilen bayanat élan qilip: "Biz ablikim yüsüp ependining bixeter halda amérikagha qarap kéliwatqanliqini delilleymiz," dédi.

Bayanatta yene mundaq déyildi: "Amérika hökümiti xitayning shinjangdiki Uyghur, étnik qazaq, qirghiz we bashqa musulmanlargha qarita yürgüzüwatqan yuqiri bésimliq basturush herikitidin chöchüduq. Bular kölemleshken mejburiy tutqun qilish herikitinimu öz ichige alidu."

Bayanatta xitay hökümitining 2017-yili apréldin buyan 1 milyondin artuq ademni tutqun qilghanliqi körsitildi.

Amérika hökümiti bayanatta bashqa döletlernimu musapirlarni qayturmasliq ehdinamisi we bashqa munasiwetlik kélishimlerge hörmet qilishqa chaqirdi.

Bayanatta mundaq déyildi: "Biz barliq döletlerni qayturmasliq prinsipigha hörmet qilip, özining 'ten jazasi we bashqa wehshiy, qebih yaki insan qélipidin chiqqan mu'amile yaki jazalashqa qarshi turush ehdinamisi' hemde 1951 ‏-yilidiki 'musapirlar salahiyiti ehdinamisi' we 1967 ‏-yilidiki'musapirlar salahiyitige munasiwetlik kélishim' lerde belgilen'gen konkrétni mejburiyitini ada qilishqa chaqirimiz."

Xewerge qarighanda, ablikim yüsüp bügün chüshtin kéyin sa'et 4:00 lerde washin'gton'gha yétip kélidiken.

Toluq bet